Вы тут

У Магiлёўскiм раёне адбыўся выязны семiнар-нарада пад кiраўнiцтвам Сяргея Ярошчанкi


Магiлёўскi раён сёння вельмi дынамiчна развiваецца — тут будуецца жылле, адкрываюцца новыя аб'екты гаспадарання, рэалiзуюцца буйныя сацыяльныя праекты. Народныя абраннiкi змаглi больш дэталёва азнаёмiцца з карысным вопытам падчас выязнога семiнара-нарады пад кiраўнiцтвам старшынi Магiлёўскага райсавета дэпутатаў Сяргея Ярошчанкi. Удзел у мерапрыемстве ўзялi член Савета Рэспублiкi Нацыянальнага сходу Рэспублiкi Беларусь Алег Дзячэнка, дэпутат Палаты прадстаўнiкоў Нацыянальнага сходу Рэспублiкi Беларусь Наталля Тарасенка, iншыя дэпутаты i прадстаўнiкi выканаўчай ўлады. На прыкладзе канкрэтных населеных пунктаў, гаспадарак i вытворчасцяў яны паглядзелi, якiх поспехаў у сацыяльна-эканамiчным плане дасягнуў раён за апошнi час.


Палыкавiчы — адзiн з перспектыўных населеных пунктаў, дзе цяпер актыўна вядзецца будаўнiцтва жылля i ўсёй неабходнай для камфортнага жыцця чалавека iнфраструктуры. Аграгарадок ужо амаль прымыкае да Магiлёва, з якiм яго звязвае добрая транспартная сетка. Падчас яго наведвання начальнiк аддзела архiтэктуры i будаўнiцтва Магiлёўскага райвыканкама Уладзiмiр Iгнатаў азнаёмiў прысутных з перспектывамi развiцця вёсак i аграгарадкоў у раёне. Наступным пунктам наведвання сталi перадавыя гаспадаркi раёна — агракамбiнат «Зара» i «Авангард». Першы намеснiк старшынi Магiлёўскага райвыканкама Алег Маслак расказаў пра эфектыўнасць такога кiрунку, як жывёлагадоўля, паведамiў пра iнвестыцыi ў аграрную галiну. На базе гаспадаркi «СервалюксАгра» вялася гаворка пра iнавацыйныя падыходы ў сельскай гаспадарцы з выкарыстаннем высокiх тэхналогiй.

Сацыяльная бяспека грамадзян заўсёды была ў цэнтры ўвагi дэпутатаў. Гэтым разам яны пазнаёмiлiся з рэалiзацыяй дзяржпраграмы «Чыстая вада» на прыкладзе аграгарадка Салтанаўка. У праграме дня было таксама наведванне школы, гадавальнiка лясгаса, аб'ектаў бiзнесу i культуры.

Пры падвядзеннi вынiкаў удзельнiкi семiнара абмеркавалi шэраг надзённых пытанняў, якiя датычылiся перспектыў населеных пунктаў, выкарыстання сучасных тэхналогiй вырошчвання пасадачнага матэрыялу, рэалiзацыi праграмы «Чыстая вада», развiцця прадпрымальнiцтва.

Знамянальна, што такiя семiнары з удзелам дэпутатаў Савета Рэспублiкi i Палаты прадстаўнiкоў, а таксама дэпутатаў мясцовых Саветаў становяцца традыцыйнымi. Iх мэта — выяўленне праблем i фармiраванне канкрэтных прапаноў па паляпшэннi жыцця людзей, а таксама вынясенне iх на рэспублiканскi ўзровень для замацавання нормамi заканадаўства.

— На прыкладзе вядучых сельскагаспадарчых прадпрыемстваў Магiлёўскага раёна, iншых аб'ектаў мы пераканалiся, як дынамiчна развiваецца беларуская эканамiчная мадэль, — адзначыў Алег Дзячэнка. — Нашы сельгасвытворцы скарысталiся дзяржаўнай падтрымкай i сёння цалкам забяспечваюць харчовую бяспеку краiны. На фоне вось гэтых станоўчых прыкладаў асаблiва негатыўна ўспрымаюцца ўсе тыя спробы радыкальных палiтычных сiл прынiзiць нашы дасягненнi ў аграпрамысловай галiне, сферы культуры, адукацыi, аховы здароўя. У няпростай сiтуацыi, якая склалася ў краiне, дэпутацкаму корпусу неабходна больш актыўна ўключыцца ў iнфармацыйную работу з выбаршчыкамi. Нам трэба на справе абаранiць наш суверэнiтэт, незалежнасць i тэрытарыяльную цэласнасць Беларусi, каб перадаць нашчадкам спадчыну, якая, як казаў наш народны паэт Янка Купала, засталася нам ад прадзедаў.

Нэлi ЗIГУЛЯ

Фота з архiва Алега ДЗЯЧЭНКI 

Загаловак у газеце: Захаваць i прымножыць

Выбар рэдакцыі

Культура

Акцёр РТБД — пра прызванне, ахвяры дзеля ролі і місію тэатра

Акцёр РТБД — пра прызванне, ахвяры дзеля ролі і місію тэатра

«Я разумеў, які цяжкі матэрыял трэба будзе ўвасобіць на сцэне».

Гараскоп на тыдзень

Усходні гараскоп на наступны тыдзень

Усходні гараскоп на наступны тыдзень

Цяльцам лепш не прымаць паспешлівых рашэнняў.

Спорт

Галоўны дырэктар Дырэкцыі тэлеканала «Беларусь 5» распавёў «Звяздзе», чым жыве «спартыўны холдынг»

Галоўны дырэктар Дырэкцыі тэлеканала «Беларусь 5» распавёў «Звяздзе», чым жыве «спартыўны холдынг»

«Галоўная задача „Беларусь 5“ — паказваць беларускаму гледачу беларускі спорт».