Вы тут

Узбекскія матывы ў нашым краі


Пра тое, як актыўна развіваюцца культурныя ды гуманітарныя стасункі паміж Беларуссю і Узбекістанам, ішла размова ў часе нядаўняга круглага стала ў прэс-цэнтры Дома прэсы


Удзельнікі круглага стала ў Доме прэсы

Пэўна, многія ведаюць, што Узбекістан у гады вайны даў прытулак тысячам бежанцаў з Беларусі. Як і пра тое, што сыны Узбекістана мужна змагаліся з ворагам на тэрыторыі Беларусі: як на франтах, так і ў партызанскіх атрадах. Многія прадстаўнікі творчай інтэлігенцыі Беларусі аказаліся ў Ташкенце ў эвакуацыі. Жыў там з сям’ёй і народны паэт Якуб Колас (з 14 жніўня 1941 да 1 лістапада 1943 года). Там у 1942‑м выйшла ягоная кніга вершаў “Голас зямлі”.

У часе візіту ва Узбекістан Прэзідэнта Беларусі Аляксандра Лукашэнкі ў 2018 годзе беларускаму Песняру ва ўзбекскай сталіцы быў адкрыты помнік ля будынка Дзяржмузея мастацтваў Узбекістана: як сімвал сяброўства паміж нашымі краінамі. Напярэдадні візіту Прэзідэнта Узбекістана Шаўката Мірзіёева ў Беларусь (2019) у Мінску адбыўся І Форум рэгіёнаў Беларусі ды Узбекістана. Запрошаны былі на яго й прадстаўнікі гуманітарнай, інфармацыйна-камунікацыйнай, навуковай сфераў. Тады ж прайшлі Дні культуры Узбекістана ў Мінску, а ў Літаратурным музеі Янкі Купалы зладзілі круглы стол “Беларуска-ўзбекскія літаратурныя сувязі”.

Пра гэта гаварылася на сяброўскай імпрэзе, мадэратарам якой быў Аляксандр Карлюкевіч, дырэктар — галоўны рэдактар Выдавецкага дома “Звязда”. У прыватнасці, дарадца па палітычных пытаннях Амбасады Узбекістана ў Беларусі Даніяр Абідаў, які выступаў анлайн, нагадаў: культурныя й гуманітарныя сувязі паміж Беларуссю і Узбекістанам маюць глыбокія карані. Сам Даніяр Таджыевіч актыўна спрыяе ўсталяванню, пашырэнню рознабаковых гуманітарных стасункаў паміж краінамі.

Адлегласці для размовы — не перашкода

У часе зацікаўленай размовы ў прэс-цэнтры Дома прэсы, якая праходзіла ў фармаце відэаканферэнцыі, гаварылі й пра сумесныя выданні. У хуткім часе калегі з Беларусі ды Узбекістана плануюць ажыццявіць некалькі сумесных праектаў на старонках часопісаў і газет ВД “Звязда”: спецвыпуск часопіса “Маладосць” будзе прысвечаны творчасці маладых узбекскіх паэтаў, на старонках газеты “Літаратура і мастацтва”, часопіса “Нёман” з’явяцца творы ўзбекскіх аўтараў. У планах — выхад кнігі паэта й філосафа Алішэра Наваі на ўзбекскай і беларускай мовах, кнігі ўзбекскага пісьменніка Кучкора Наркабіла пра падзеі пачатку Вялікай Айчыннай вайны.

У размове за круглым сталом з беларускага боку паўдзельнічалі дырэктар Дзяржаўнага літаратурна-мемарыяльнага музея Якуба Коласа Аляксандр Храмы, намеснік дырэктара ВД “Звязда” — галоўны рэдактар газеты “Літаратура і мастацтва” Аляксей Чарота, галоўны рэдактар часопіса “Нёман” Юлія Алейчанка. З узбекскага боку падзяліліся меркаваннямі анлайн пісьменнік Кучкор Наркабіл, празаік, перакладчыца Рысалат Хайдарава, дарадца Міністра па пытаннях эфектыўнасці духоўна-асветніцкай працы, забеспячэнні выканання заканадаўства аб дзяржаўнай мове Рахматула Назараў, начальнік аддзела Упраўлення двухбаковага й шматбаковага супрацоўніцтва з краінамі СНД Фатхула Абдурахманаў ды іншыя зацікаўленыя асобы.

Ганна Лагун

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»