39-гадовы жыхар вёскi Кардон Шумiлiнскага раёна Аляксандр ЛIТОЎКА ў вольны час займаецца ўпарадкаваннем свайго падворка. Ён працуе качагарам у Мiкалаеўскай бальнiцы сацыяльнага догляду, але дома вясковец шчыруе з дрэвам — цяслярыць i сталярнiчае.
Перавёз з суседняй вёскi дзедаў дом, абшаляваў, зрабiў прыбудову. Надаў гаспадарчым будынкам сучасны выгляд, А вось гэтае дрэва ён прыстасаваў пад «клумбу» — на iм будуць стаяць гаршкi i вазоны з кветкамi — так замовiла яму жонка. Побач на iншым дрэве месцiцца домiк — падарунак, якi некалькi гадоў таму Аляксандр зрабiў свайму сыну Дзянiсу.
— Мне падабаецца жыць у вёсцы, будаваць, майстраваць, займацца дызайнам прысядзiбнага ўчастка, — гаворыць дбайны гаспадар.
Анатоль КЛЯШЧУК
Фота аўтара
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
