Мінінфарм разглядае шэраг матэрыялаў, якія размяшчаюцца на інтэрнэт-рэсурсе tut.by, для дачы прававой ацэнкі, заявіў сёння міністр інфармацыі Ігар Луцкі, інфармуе БЕЛТА.
«Мінінфарм на працягу 2020 года вынес 4 папярэджанні сеткаваму выданню tut.by. У адпаведнасці з Законам аб СМІ Мінінфарм прад’явіў у суд іск аб спыненні яго дзейнасці. Неабходна адзначыць, што Вярхоўны суд пацвердзіў законнасць і абгрунтаванасць вынесеных папярэджанняў. 3 снежня 2020 года Эканамічны суд Мінска прыняў рашэнне аб спыненні дзейнасці, а сёння апеляцыйная інстанцыя пацвердзіла гэта рашэнне. Таму ўсе дзеянні Мінінфарма, якія доўжыліся ўвесь гэты час, праходжанне праз усе судовыя інстанцыі, завяршыліся тым рашэннем, якое абсалютна задавальняе Міністэрства інфармацыі», - сказаў Ігар Луцкі.
Міністр адзначыў, што на дадзены момант Мінінфарм разглядае шэраг матэрыялаў, якія размяшчаюцца ўжо на інтэрнэт-рэсурсе tut.by, «для дачы прававой ацэнкі ў частцы парушэнні ст.38 Закона аб СМІ (інфармацыя, распаўсюд якой у сродках масавай інфармацыі, на інтэрнэт-рэсурсах забаронены), а таксама аб размяшчэнні недакладнай інфармацыі, здольнай нанесці шкоду грамадскім і дзяржаўным інтарэсам».
Ён падкрэсліў: «На сённяшні дзень Мінінфарм працягвае маніторыць інфармацыйную прастору Беларусі, і пры парушэнні заканадаўства аб СМІ і іншых законаў Беларусі неадкладна будуць выносіцца папярэджанні, альбо патрабаванні аб выдаленні недакладнай інфармацыі, альбо прымацца рашэнні аб спыненні дзейнасці альбо распаўсюджвання такой інфармацыі шляхам блакавання».
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
