У 2021 годзе плануюцца работы па рэканструкцыі і рэстаўрацыі будынка стайні ансамбля былога палаца Агінскіх у аграгарадку Залессе Смаргонскага раёна. Аб гэтым БелТА паведамілі ва ўпраўленні культуры Гродзенскага аблвыканкама.
Рэалізацыя праекта, як лічаць ва ўпраўленні культуры, дазволіць наведвальнікам пазнаёміцца з гаспадарчым жыццём сядзібы і значна палепшыць ўспрыманне гістарычнага аб’екта.
«У стайні размесцяцца не толькі стойлы для коней, але і памяшканні для захоўвання экіпажаў, фуражу. Плануецца стварэнне музея збруі», — адзначылі ва ўпраўленні культуры Гродзенскага аблвыканкама.
Акрамя таго, праект прадугледжвае добраўпарадкаванне прылеглай тэрыторыі. З’явяцца, у прыватнасці, пляцоўкі для запрагання коней і іх выгулу.
Дарэчы, у 2018 годзе сцены стайні часова ўмацавалі, камяні бутавага мура былі пранумараваны. Тады ж былі часткова выкананыя і земляныя работы па пракладцы камунікацый.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.