У Гродзенскай вобласці завяршаецца ацяпляльны сезон, паведамілі карэспандэнту БелТА ў аддзеле энергетыкі, транспарту і сувязі аблвыканкама.
Да паэтапнага адключэння цяпла — спачатку ў адміністрацыйных і грамадскіх будынках, на прамысловых прадпрыемствах і іншых аб’ектах — прыступілі ва ўсіх раёнах вобласці.
У аддзеле энергетыкі, транспарту і сувязі патлумачылі, што кожны раён рэгіёну самастойна прымае рашэнне аб заканчэнні ацяпляльнага перыяду. Дзесьці пачалі адключаць і жылфонд, у іншых раёнах з-за ўмоў надвор’я гэтага пакуль не робяць. У рэжым прапальвання пераведзеныя сацыяльныя аб’екты — дзіцячыя дашкольныя, школьныя, лячэбна-прафілактычныя, медыцынскія, навучальныя ўстановы, установы сацыяльнага забеспячэння.
Дарэчы, у гэтыя ж тэрміны завяршаўся ацяпляльны сезон у рэгіёне і раней. У 2020 годзе, напрыклад, цяпло сталі адключаць 23 красавіка. Пачалася ж падача цяпла ў аб’екты вобласці 12 кастрычніка.
Прэв’ю: pixabay.com
Сумесныя праекты ядзерных тэхналогій.