Міністэрства замежных спраў Беларусі адрэагавала на заяву літоўскага боку аб магчымай акрэдытацыі пасла ЗША Джулі Фішэр у Літве, паведамілі на сайце знешнепалітычнага ведамства.
«Мы, шчыра кажучы, на гэты конт не маем ніякай афіцыйнай інфармацыі, а заявы розных літоўскіх асоб у апошні час настолькі шматлікія і супярэчлівыя, што абапірацца на іх неяк несур’ёзна. Будзе больш яснасці — можна будзе казаць больш прадметна», — заявілі ў знешнепалітычным ведамстве журналістам.
«Аднак акадэмічна, прафесійна нам не зусім зразумела нават, пра што можа ісці гаворка, пра якую акрэдытацыю? — працягнулі ў МЗС. — Чыста гіпатэтычна, калі гэта акрэдытацыя пасла ў МЗС Літвы, то значыць — у Літве будуць два пасла ЗША, якія будуць прадстаўляць там амерыканскія інтарэсы».
«Цалкам відавочна, што пасол, які знаходзіцца ў Літве, ніякага дачынення да Беларусі не можа і ніколі не будзе мець», — заявілі ў беларускім Міністэрстве замежных спраў.
Прэв’ю: МЗС
Сумесныя праекты ядзерных тэхналогій.
