Прэзідэнт Беларусі Аляксандр Лукашэнка падпісаў закон, якім уносяцца змены ў заканадаўства аб масавых мерапрыемствах, паведамляе БелТА.
Выключаецца паведамляльны парадак арганізацыі масавых мерапрыемстваў. Пасля ўступлення закона ў сілу ўсе масавыя мерапрыемствы павінны праводзіцца выключна на падставе дазволу мясцовых органаў.
Забараняецца збор, атрыманне і выкарыстанне грашовых сродкаў i iншай маёмасцi, выкананне работ, аказанне паслуг для кампенсацыі выдаткаў, абумоўленых прыцягненнем да адказнасці за парушэнне парадку правядзення масавых мерапрыемстваў.
Уводзіцца забарона асвятлення ў рэжыме рэальнага часу масавых мерапрыемстваў, якія праводзяцца з парушэннем устаноўленага парадку, у мэтах іх папулярызацыі або прапаганды. Дадзеная забарона будзе распаўсюджвацца ў тым ліку на журналістаў сродкаў масавай інфармацыі.
Журналістам пры выкананні сваіх абавязкаў забараняецца выступаць у якасці арганізатараў ці ўдзельнікаў масавых мерапрыемстваў.
Мясцовыя органы і органы ўнутраных спраў надзяляюцца правам прыпыняць працу інфраструктуры (гандлёвых аб'ектаў, аб'ектаў грамадскага харчавання, транспарту, кірмашоў, арганізацый усіх формаў уласнасці) у месцах правядзення масавых мерапрыемстваў і па маршрутах руху іх удзельнікаў.
Замацоўваецца адказнасць палітычных партый і грамадскіх аб'яднанняў за публічныя заклікі сваіх кіраўнікоў і членаў кіруючых органаў да арганізацыі і правядзення масавага мерапрыемства да атрымання дазволу на яго правядзенне.
Асноўныя палажэнні закона ўступаюць у сілу праз месяц пасля яго афіцыйнага апублікавання.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
