Вы тут

Знакамітыя беларускія кампазітары, паэты і артысты збяруцца на закрыцці фестывалю «Маладзечна»


Знакамітыя беларускія кампазітары, паэты і артысты збяруцца на гала-канцэрце закрыцця фестывалю «Маладзечна-2021», паведаміла БелТА дырэктар Палаца культуры ў Маладзечне Святлана Сарока.


Гала-канцэрт пройдзе ў Летнім амфітэатры ў цёплай, сяброўскай атмасферы. Жыхары і госці горада змогуць атрымаць асалоду ад юбілейнай канцэртнай праграмы «Маладзечна — насустрач шлягерам» з удзелам зорак беларускай эстрады, пераможцаў конкурсу маладых выканаўцаў розных гадоў.

«Гледачам прапануецца стаць удзельнікамі музычна-паэтычнага клуба фестывалю. Збяруцца разам самыя знакамітыя беларускія кампазітары і паэты, артысты, якія на працягу 20 гадоў бралі ўдзел у жыцці фестывалю, песні якіх упрыгожвалі канцэрты фестывальных дзён», — распавяла Святлана Сарока.

Сярод удзельнікаў будуць народныя артысты Беларусі Васіль Раінчык, Анастасія Масквіна, Уладзімір Громаў, заслужаныя артысты Беларусі Аляксандр Саладуха, Жанэт, Алена Ланская, Вікторыя Алешка, заслужаны калектыў ансамбль народнай музыкі «Бяседа», заслужаны дзеяч мастацтваў Алег Елісеенкаў, аматарскі калектыў тэатра эстраднай песні «Сябрынка», кампазітар Алена Атрашкевіч, Беларускі дзяржаўны ансамбль «Песняры», вакальна-інструментальны ансамбль «Верасы», група AURA, шоу-балет Fusion.

Канцэрт-закрыццё пачнецца сёння ў 21:30.

ХХ Нацыянальны фестываль беларускай песні і паэзіі «Маладзечна-2021» праходзіць з 11 па 13 чэрвеня, ён сабраў таленавітых выканаўцаў, паэтаў, музыкаў, кампазітараў, майстроў. Праект накіраваны на захаванне і развіццё роднай мовы, традыцый і нацыянальнай музыкі, спрыяе аб’яднанню творчых сіл, пераемнасці пакаленняў.

Прэв’ю: БелТА

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.