Раўненне на Брэсцкую крэпасць

У зауральскім горадзе Кургане 5 чэрвеня быў дадзены старт чарговаму этапу міжнароднага юнармейскага аўтапрабегу «Дорогами Сибирской славы. Красноярск — Брест 2021».

Урачыстасць, прысвечаная 80-годдзю пачатку Вялікай Айчыннай вайны, праходзіла ў Кургане ля манумента Вечны агонь, там жа былі ўдзельнікі аўтапрабега. Сярод іншых прадстаўнікоў грамадскасці Кургана ва ўрачыстасці паўдзельнічала кіраўніца Нацыянальна-культурнага цэнтра беларусаў Зауралля «Батькавщина» Людміла Урванцава. Пра тое і паведаміла нам у рэдакцыю.

З яе допісу мы даведаліся: у склад каманды аўтапрабегу ўвайшлі лепшыя юнармейцы Краснаярскага краю. Удзельнікі аўтапрабегу наведваюць па маршруце гарады-героі ды гарады вайсковай славы Расіі ды Беларусі: Новасібірск, Омск, Ніжні Ноўгарад, Ржэў, Смаленск, Магілёў, Мінск, Брэст... Запланаваны былі дзясяткі патрыятычных акцый на шляху. Спадзяемся, усе планы здзейсніліся! А 22 чэрвеня, у 80-ю гадавіну пачатку Вялікай Айчыннай вайны, вялізны стылізаваны Сцяг Перамогі будзе разгорнуты ў канцавым пункце маршруту: на тэрыторыі Брэсцкай крэпасці-героя. Там жа збяруцца і актывісты Федэральнай нацыянальна-культурнай аўтаноміі Беларусаў Расіі.

Іван ІВАНАУ

прэв'ю pixabay.com

Нумар у фармаце PDF