Лясгасы Мінскай вобласці сёлета плануюць нарыхтаваць больш за 25 т мёду. Аб гэтым паведамляе БелТА са спасылкай на Мінскае дзяржаўнае вытворчае лесагаспадарчае аб’яднанне.
«Адпампоўваць першы мёд пачалі ў чэрвені. Калі надвор’е будзе спрыяльнае, пчолы будуць адчуваць сябе камфортна і працягнуць збіраць прадукт, тады правядзем яшчэ дзве адпампоўкі. Работы завершым у верасні. За гэты час плануем нарыхтаваць 25,6 т мёду. На сённяшні дзень сабрана больш за палову — каля 20 т, — распавялі ў аб’яднанні. — У параўнанні з мінулым годам план па нарыхтоўцы прадукту знізіўся на 10 т. На гэта паўплывалі ўмовы надвор’я і складанасці з найманнем персаналу — вопытныя пчаляры сыходзяць на пенсію, а маладых знайсці даволі складана».
У лясных гаспадарках Мінскай вобласці выстаўлена каля 2540 вулляў. У цяперашні час лідэры па зборы мёду — Вілейскі, Валожынскі, Любанскі, Маладзечанскі і Старадарожскі лясгасы.
Прэв’ю: pixabay.com
Сумесныя праекты ядзерных тэхналогій.
