Вы тут

Столінскія ратавальнікі ўсю ноч шукалі заблукалых ў лесе грыбнікоў


Учора ў 17.47 столінскім ратавальнікам паступіла паведамленне пра тое, што ў лясным масіве ў паўночным баку вёскі Туры пры зборы грыбоў заблукалі двое мужчын.


Фота: МНС

У лес яны пайшлі каля 13.00 і згубілі арыенцір. Пры спробе знайсці выхад з лесу яны сустрэліся яшчэ з трыма пенсіянерамі, якія таксама згубіліся пры зборы грыбоў, паведамляе падрабязнасці МНС.

На пошук аператыўна выехалі работнікі пажарнай аварыйна-выратавальнай часці № 2 Давыд-Гарадка. Яны паспрабавалі звязацца з людзьмі пры дапамозе мабільнай сувязі і паралельна падавалі сігналы гучнай прыладай. Да 23 гадзін ім удалося ўстанавіць кантакт з мужчынамі. Тыя паведамілі, што яны чуюць сігналы, але вызначыць дакладны кірунак руху не могуць. Было прынята рашэнне прачэсваць лес. Работнікі МНС сталі ланцугом і пайшлі, не спыняючы падаваць сігналы. Прыкладна ў 5.40 былі выяўленыя сляды ад веласіпедаў і ботаў. У лесе ішоў дождж, але іх яшчэ не размыла. Ратавальнікі пайшлі па слядах і прыкладна праз паўгадзіны ўбачылі вогнішча, каля якога грэліся пяцёра мужчын. Іх знайшлі сёння ў 6.20. У медыцынскай дапамозе яны не мелі патрэбы.

Сяргей РАСОЛЬКА

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.