Натарыусы Гомельскай натарыяльнай акругі бясплатна пракансультуюць шматдзетных мам у гонар Дня маці, паведамляе БелТА са спасылкай на абласную натарыяльную палату.
У сувязі з эпідсітуацыяй традыцыйная дабрачынная акцыя да святкавання Дня маці пройдзе ў рэжыме анлайн. Да яе далучацца ўсе натарыяльныя канторы і натарыяльныя бюро Гомельскай вобласці. «На працягу працоўнага дня жанчыны, якія выхоўваюць траіх і больш дзяцей, могуць звярнуцца да натарыуса і атрымаць кансультацыю па пытаннях, якія ўваходзяць у кампетэнцыю спецыяліста», — распавялі арганізатары.
Для мінімізацыі асабістых кантактаў і абароны насельніцтва ад магчымых рызык заражэння каранавіруснай інфекцыяй натарыусы будуць кансультаваць па тэлефонах натарыяльных кантор і натарыяльных бюро, а таксама дыстанцыйна з ужываннем мэсэнджэраў. «Падтрымка шматдзетных сем’яў — адзін з асноўных прыярытэтаў сацыяльнай палітыкі дзяржавы, таму для натарыяльнай супольнасці Беларусі правядзенне падобных дабрачынных акцый стала ўжо традыцыйным», — падкрэслілі ў абласной натарыяльнай палаце.
Поўны спіс натарыяльных кантор і натарыяльных бюро, а таксама час іх працы можна ўдакладніць на сайце Беларускай натарыяльнай палаты belnotary.by, у раздзеле «Знайсці натарыуса».
Прэв’ю: pixabay.com
Сумесныя праекты ядзерных тэхналогій.