Вы тут

Белгідрамет: канец кастрычніка будзе па-асенняму камфортным


Канец кастрычніка будзе па-асенняму камфортным, паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


«Апошні тыдзень кастрычніка пачаўся з марознай раніцы. Пры бязвоблачным небе тэмпература мінулай ноччу ў асноўным склала 1-6 марозу. Сёння днём чакаецца пераважна малавоблачнае ціхае надвор’е. У разгар дня паветра прагрэецца да плюс 6-12. Прычынай такога сонечнага дня стане антыцыклон з цэнтрам над Украінай, які ў бліжэйшыя суткі перамесціцца на поўдзень еўрапейскай Расіі. І нягледзячы на тое, што цэнтр антыцыклону будзе аддаляцца ад нашай тэрыторыі, яго сіл яшчэ хопіць, каб утрымліваць у Беларусі сухое надвор’е. Але атмасферны ціск пачне падаць, з’явяцца аблокі і ўзмоцніцца вецер», — расказалі ў Белгідрамеце.

У аўторак, 26 кастрычніка, чакаецца пераменная воблачнасць, будзе без ападкаў. Ноччу і раніцай месцамі магчымы слабы туман. Вецер прагназуецца паўднёва-заходні ўмераны, днём месцамі парывісты. Тэмпература паветра ноччу складзе ад мінус 3 да плюс 3, днём — 7-13 градусаў цяпла.

У сераду, 27 кастрычніка, па поўначы Беларусі будзе адчувацца ўплыў франтальнага раздзелу, які перамяшчаецца з Балтыйскага мора. У паўднёвых раёнах надвор’е прадоўжыць фарміраваць вобласць павышанага атмасфернага ціску. Будзе воблачна з праясненнямі. Пераважна па поўначы краіны пройдуць кароткачасовыя дажджы. Ноччу і раніцай у асобных раёнах чакаецца туман. Вецер прагназуецца паўднёва-заходні, заходні ўмераны, месцамі парывісты. Тэмпература паветра ноччу складзе ад мінус 2 да плюс 4, па паўночным захадзе — да плюс 6. Днём будзе 8-14 градусаў цяпла.

У чацвер, 28 кастрычніка, умовы надвор’я ў асноўным будуць вызначаць цёплыя атмасферныя франты, якія перамяшчаюцца з Балтыйскага мора. Будзе воблачна з праясненнямі. На большай частцы тэрыторыі краіны пройдуць кароткачасовыя дажджы. Ноччу і раніцай у асобных раёнах магчымы туман. Вецер прагназуецца заходні ўмераны, месцамі парывісты. Тэмпература паветра ноччу складзе 3-9 градусаў вышэй за нуль, днём — ад плюс 9 па паўночным усходзе да 16 градусаў цяпла па паўднёвым захадзе.

У пятніцу, 29 кастрычніка, рост атмасфернага ціску адцясніць франтальны раздзел за межы Беларусі. У многіх рэгіёнах ападкаў не чакаецца, толькі ноччу па паўночным усходзе краіны магчымы кароткачасовыя дажджы. Ноччу і раніцай у асобных раёнах магчымы туман. Вецер прагназуецца паўднёва-заходні ўмераны. Тэмпература паветра ноччу складзе 1-8 градусаў вышэй за нуль, днём — 12-18 градусаў цяпла.

Паводле слоў сіноптыкаў, канец тыдня і месяца чакаюцца па-асенняму камфортнымі. У суботу і нядзелю, 30-31 кастрычніка, па ўсёй краіне ўплываць на надвор’е будзе вобласць павышанага атмасфернага ціску, сфарміраваная ў цёплым паветры. Чакаецца пераменная воблачнасць, будзе без ападкаў. Ноччу і раніцай у асобных раёнах магчымы слабы туман. Вецер прагназуецца паўднёвы, паўднёва-ўсходні ўмераны, у дзённыя гадзіны ў нядзелю парывісты. Тэмпература паветра ноччу складзе 2-7 градусаў вышэй за нуль, днём — 12-19 градусаў цяпла. Такі тэмпературны фон у апошніх чыслах кастрычніка на 4-7 градусаў перавысіць кліматычную норму, ён адпавядае паказчыкам надвор’я пачатку кастрычніка.

Прэв'ю: pexels.com

Выбар рэдакцыі

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер (абнаўляецца)

Крызіс на мяжы. Уся аператыўная інфармацыя на чацвер (абнаўляецца)

Аператыўная інфармацыя з беларуска-польскай мяжы.

Грамадства

Вольга Шпілеўская: Журналістыка — гэта маё жыццё!

Вольга Шпілеўская: Журналістыка — гэта маё жыццё!

Журналіст ўзначаліла прадстаўніцтва Міжнароднай тэлерадыёкампаніі «Мір» у нашай краіне.

Грамадства

«Чырвоная лінія» для дзвюх жанчын. Ці могуць свякрухі і нявесткі жыць дружна?

«Чырвоная лінія» для дзвюх жанчын. Ці могуць свякрухі і нявесткі жыць дружна?

Адносіны са сваёй маці і свякрухай — гэта дзве зусім розныя гісторыі.