У Беларусі добра ведаюць празаіка Алега Ждана, які піша на рускай мове. Яго кнігі «У гасцях і дома» («В гостях и дома»), «Рысы і абліччы» («Черты и лица»), «Знаёмы» («Знакомый»), «Па абодва бакі прахадной» («По обе стороны проходной»), «Геній» («Гений») і іншыя, выдадзеныя ў самыя розныя гады, карыстаюцца ўвагай самага шырокага кола чытачоў.
У апошнія гады Алег Аляксеевіч шмат піша і з разлікам на юнага чытача. Падлеткам адрасавана яго аповесць «Прынцэса». У падзагалоўку твора: «Маленькая аповесць з прызнаннем і загадкай». «У суботу вечарам Мішка Сідарчук на асфальце перад домам Алёнкі намаляваў крывавае сэрца і напісаў: „Тибэ моя принцэса“. Сэрца — гэта ўсім зразумела — каханне. І падпісаўся — Пельмень. У нядзелю раніцай яна выйшла на лоджыю рабіць зарадку і, канешне ж, адразу ўбачыла гэтае пасланне. Вельмі раззлавалася: непісьменнае прызнанне. Не па-руску і не па-беларуску. Нават коску не паставіў. Зразумела, ёй, выдатніцы, гэа не падабаецца. Крывавае сэрца таксама не па душы. Ну і галоўнае — увесь дом зразумеў, што прызнанне — ёй. Канешне, дом вялікі, прынцэс шмат, але Алёнка самая прынцэсная з усіх прынцэс. „Дурань! — сказала яна Мішку ў панядзелак. — Ты хаця б у слоўнік зазірнуў! Ты мяне зганьбіў!“ А Мішка ўсміхаўся, як быццам яна таксама прызналася яму ў каханні.
Нават настаўнікі прыходзілі падзівіцца. Настаўнік матэматыкі паціснуў плячыма і сказаў: „Дурната“. Настаўнік малявання: „Бяздарна“. А Варвара Яфімаўна, русіца, пляснула ў далоні і сказала: „Божа, і гэта мой вучань!“ Гэта яна, зразумела, пра памылкі...»
Перакладзеная на беларускую мову Алесем Карлюкевічам, аповесць Алега Ждана «Прынцэса» ужо другі раз выходзіць у Выдавецкім доме "«Звязда». Першае выданне пабачыла свет летасць і вельмі хутка разыйшлося па бібліятэках краіны. Другое —толькі што. Кнігу можна знайсці ў кнігарнях ААТ «Белкніга» і ў розных гарадах краіны, а таксама ў «Акадэмкнізе» ў Мінску па праспекту Незалежнасці, 72. А лепей набыць у самім Выдавецкім доме «Звязда» у Мінску па вуліцы Захарава, 19. Дарэчы, па замове кнігу Алега Ждана, як і іншыя кніжныя выданні «Звязды», выдавецтва можа даставіць у самыя далёкія ад Мінска раёны — і ў Столін, і ў Расоны, і ў Астравец... Адным словам, куды заўгодна. І, між іншым, не толькі ў райцэнтры, але і ў аграгарадкі, у тыя школы і сельскія бібліятэкі, якія працуюць у вёсках.
Мікола БЕРЛЕЖ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
