Вы тут

Карпянкоў уручыў падзякі найлепшым ваеннаслужачым, якія звальняюцца ў запас


Высокай ацэнкі кіраўніцтва за перыяд службы былі ўдастоены 57 веннаслужачых, якія прадстаўляюць усе злучэнні і часці ўнутраных войск МУС. Пры гэтым 11 з іх маюць права насіць Крапавы берэт.


Развітвацца з вайскоўцамі, якія сваімі адказнымі адносінамі да выканання воінскага абавязку забяспечылі якаснае выкананне службова-баявых задач, ва ўрачыстай абстаноўцы ва ўнутраных войсках стала ўжо традыцыяй. За 25 гадоў (а менавіта такі перыяд існуе ўрачыстасць) больш чым тры тысячы ваеннаслужачых атрымалі гэтыя своеасаблівыя даверчыя граматы, якія з’яўляюцца «знакам якасці» ўнутраных войск.

— Ваеннаслужачыя добрасумленна і шчыра выканалі свой воінскі абавязак, былі прыкладам для таварышаў, — адзначыў намеснік міністра ўнутраных спраў — камандуючы ўнутранымі войскамі генерал-маёр Мікалай Карпянкоў. — І гэта, безумоўна, дае падставы рэкамендаваць кожнага з іх як адказнага і надзейнага чалавека, які зможа рэалізаваць сябе на шматлікіх узроўнях кіраўнічай дзейнасці.

Камандуючы ўнутранымі войскамі перакананы, што вайскоўцы будуць годнымі грамадзянамі нашай краіны, а калі ўзнікне неабходнасць, яшчэ раз стануць на яе абарону.

Як падзяліўся сяржант Андрэй Заяц, які праходзіў службу ў 12-й патрульнай роце вайсковай часці 5448, яму сумна развітвацца са сваімі саслужыўцамі. «У далейшым планую праходзіць службу ў праваахоўных органах, і ўсе веды, якія я атрымаў падчас праходжання тэрміновай ваеннай службы, спатрэбяцца мне ў будучыні, — перакананы малады чалавек. — Дзякуючы патрульна-паставой службе я навучыўся знаходзіць агульную мову з любым чалавекам. За той час, які правёў у арміі, пасталеў і памужнеў. Ваеннаслужачым новага папаўнення дам параду: не баяцца цяжкасцяў, вучыцца — і тады ўсё атрымаецца».

Вераніка КАНЮТА

Фота прэс-службы ўнутраных войск МУС

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.