Вы тут

МНС праводзіць на Міншчыне комплекснае вучэнне


Ратавальнікі ва ўзаемадзеянні з іншымі службамі адпрацоўваюць найбольш характэрныя для гэтай пары надзвычайныя сітуацыі. Падтапленне населеных пунктаў, людзі, якія тонуць, падзенне дрэў, лясныя пажары, дарожна-транспартныя здарэнні, дзеці, якія згубіліся ў лесе, -- найбольш частыя прычыны, на якія апошнім часам вымушаны рэагаваць супрацоўнікі Міністэрства па надзвычайных сітуацыях. Спраўляцца з гэтымі і іншымі выклікамі прыродных стыхій ратавальнікам, як правіла, дапамагаюць іншыя кампетэнтныя службы. Калі патрэбны іх сілы і магчымасці, не адмовяць і ў дапамозе чалавеку.


Як і павінна быць у рэальнай сітуацыі, плячом да пляча, усе службы Мінскага раёна другі дзень запар спраўляюцца з ўмоўнымі здарэннямі, якія для іх падрыхтавалі арганізатары комплекснага вучэння па абароне насельніцтва і тэрыторый ад надзвычайных сітуацый прыроднага і тэхнагеннага характару і грамадзянскай абароне.

Паводле адной з легенд, з-за непагадзі на вадаёме ў вёсцы Сялюты перавярнулася лодка. У вадзе апынуліся два рыбакі. Самастойна выбрацца на бераг пацярпелыя не маглі. На шчасце, знайшоўся той, хто паведаміў ратавальнікам аб надзвычайнай сітуацыі, і неўзабаве да месца прыбыла аддзяленне пажарнай аварыйна-ратавальнай часці № 2 Мінскага раённага аддзела па надзвычайных сітуацыях. Спрытныя дзеянні прафесіяналаў — і двое пацярпелых аказваюцца на беразе. Тут іх чакае брыгада хуткай медыцынскай дапамогі.

— Галоўнае, калі вы сталі відавочцам няшчаснага выпадку, і вам удалося выратаваць чалавека, да нашага прыезду трэба ачысціць дыхальныя шляхі, паспрабаваць чалавека сагрэць, калі гэта халодны перыяд, — расказваюць медыкі. — Купальны сезон — у разгары, выпадкі бываюць розныя. Не рызыкуйце сваім жыццём.

На гэтым жа вадаёме крыху пазней супрацоўнікі Таварыства ратавання на водах выцягнулі ўмоўнага патанулага. Як паказвае статыстыка, большасць ахвяр вады знаходзілася ў стане алкагольнага ап’янення.

Непадалёк ад гэтага месца знаходзіцца дамба. З-за праліўных дажджоў адбылося яе частковае разбурэнне — у выніку некаторыя населеныя пункты былі падтоплены. Узнікла неабходнасць у эвакуацыі насельніцтва. Пакуль супрацоўнікі Дзяржаўтаінспекцыі, энергетыкі, а таксама спецыяльная тэхніка спраўляліся з наступствамі стыхіі, мясцовых жыхароў размясцілі ў бліжэйшай школе, дзе іх забяспечылі начлегам і харчаваннем.

Як адзначыла намеснік старшыні Мінскага райвыканкама Ірына Ціхонка, на тэрыторыі раёна ў выпадку няштатных сітуацый прадугледжана сто пунктаў часовага адсялення. «Сёння мы знаходзімся ў Сёмкаўскай сярэдняй школе, тут арганізавана ўсё самае неабходнае: пункты харчавання, аховы парадку, пакой маці і дзіцяці, спальныя месцы», — паведаміла начальнік эвакуацыйнай камісіі.

Дапамога ратавальнікаў спатрэбілася ў раёне вёскі Старына Каладзішчанскага сельскага Савета, што пад Мінскам. Гарэў торф. Моцны вецер, які быў толькі на карысць агню, паставіў пад пагрозу размешчаны побач населены пункт і лес. У небяспецы апынуліся і дзеці, якія непадалёку гулялі і заблукалі. На барацьбу з агнём паспяшаліся сілы раённага лясгаса і ратавальнікаў. Дзяцей шукалі ляснікі, супрацоўнікі Міністэрства па надзвычайных сітуацыях, міліцыянеры і валанцёры Чырвонага крыжа. 

Таксама ва ўзаемадзеянні спецыялістаў рознага профілю была ліквідавана аварыя на аб’екце жыццязабеспячэння, якім ўмоўна аказалася малочнатаварная ферма ў вёсцы Старына. Дапамога ратавальнікаў, медыкаў, а таксама прадстаўнікоў лясной гаспадаркі і мясцовых дарожных служб спатрэбілася і падчас дарожна-транспартнага здарэння. Апошняе адбылося таксама з-за непагадзі — моцны вецер паваліў дрэвы на праезную частку, што прывяло да ДТЗ. 

Таксама падчас комплекснага вучэння былі адпрацаваны сітуацыі, звязаныя з абвальваннем будынка і рэагаваннем на прыродную надзвычайную сітуацыю. Падчас наступнага этапа вучэння службы раёна займаліся ліквідацыяй аварыі на аміячнай кампрэсарнай і газараспаўсюджвальнай падстанцыі, рэагавалі на пазаштатную сітуацыю на чыгунцы і супрацьстаялі выклікам пыродных стыхій.

— Асноўная мэта вучэння — адпрацаваць на практыцы ўзаемадзеянне падраздзяленняў МНС з іншымі службамі і арганізацыямі, — заўважыў намеснік начальніка Мінскага абласнога ўпраўлення МНС Віталь Пякурын. — Былі змадэляваны шматлікія надзвычайныя сітуацыі, для ліквідацыі якіх прыцягнуты амаль усе службы раёна, каб яны маглі на працягу трох дзён прадэманстраваць свае навыкі, якія будуць прымяняць у выпадку рэальнай надзвычайнай сітуацыі. У прынцыпе, са сваімі задачамі службы справіліся. Былі пэўныя нюансы, але ўсе яны працоўнага характару, якія, несумненна, будуць вырашаны. Для гэтага вучэнні і праводзяцца.

Вераніка КАНЮТА

Фота Мінскага абласнога ўпраўлення МНС

Мінскі раён

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.