Дарагія юнакі і дзяўчаты!
Ад усёй душы віншую вас з Днём моладзі і студэнцтва — святам, якое ўвасабляе мару, мэтанакіраванасць, энергію і аптымізм.
Я ведаю, моладзь Беларусі — найлепшая на Зямлі. Разумныя і таленавітыя, поўныя яркіх ідэй і грандыёзных планаў, вы знаходзіцеся ў самым пачатку вялікага жыццёвага шляху. Гэты шлях стане лагічным працягам працы многіх пакаленняў.
Вашы дзяды і прадзеды абаранялі Айчыну, каб вы сёння жылі пад мірным небам. Мы рабілі і робім усё магчымае, каб вы раслі і сталелі ў незалежнай і моцнай дзяржаве. Захоўвайце гістарычную памяць, шануйце культурныя і духоўныя традыцыі беларускага народа.
З кожным годам ваша роля ва ўсіх сферах жыцця грамадства — эканоміцы, навуцы, палітыцы і культуры — будзе ўзрастаць. Заўсёды памятайце: вучоба і праца, павага да старэйшых і любоў да Радзімы — вывераная формула, якая прынясе вам шчасце, а нашай любімай Беларусі — росквіт.
У гэты святочны дзень я жадаю вам моцнага здароўя, дабрабыту, яркіх перамог і высокіх дасягненняў.
26 чэрвеня 2022 года
Прэзідэнт Рэспублікі Беларусь Аляксандр Лукашэнка
Сумесныя праекты ядзерных тэхналогій.