Расійска-беларускі маладзёжны дыялог пройдзе 7-9 снежня ў Маскве

Першы расійска-беларускі маладзёжны дыялог «Погляд моладзі Расіі і Беларусі на традыцыйныя каштоўнасці як фактар захавання нацыянальна-культурнай ідэнтычнасці» пройдзе 7-9 снежня ў Маскве.

Беларуская дэлегацыя прыбудзе ў Маскву напярэдадні. 7 снежня пройдзе пасяджэнне дыскусійнага клуба «Моладзь Беларусі і Расіі: погляд у будучыню». Як чакаецца, удзел у ім прыме пасол Беларусі ў Расіі Дзмітрый Круты. У гэты ж дзень адбудзецца падпісанне палажэння аб дыскусійным клубе.

Першыя расійска-беларускія маладзёжныя дэбаты «Погляд моладзі Расіі і Беларусі на традыцыйныя каштоўнасці як фактар захавання нацыянальна-культурнай ідэнтычнасці» запланаваны на 8 снежня. Маладыя людзі таксама наведаюць Дзяржаўную думу Расійскай Федэрацыі і ўскладуць кветкі да Магілы невядомага салдата.

9 снежня моладзь Беларусі і Расіі прыме ўдзел у квэсты «Гісторыя Саюзнай дзяржавы». Акрамя таго, у гэты ж дзень адбудзецца экскурсія па музеі Цэнтральнага апарата ЛДПР.

Сяргей РАСОЛЬКА

Прэв’ю з сайта БРСМ