Вы тут

Долар «сарваўся з прывязі»


Расійскі рубель, які падае, пацягнуў за сабой беларускі, што значна патаннеў да іншых валют.


Фота: pexels.com

Курс долара падскочыў адразу на 0,0674 BYN да 2,6595 BYN/USD і з максімуму за 125 дзён (4 месяцы) падняўся да максімуму за 162 дні (амаль 5,5 месяцаў). Характэрна, што долар даражэе ўжо сёмы раз запар. За час гэтай серыі яго цана вырасла на 18 капеек. З пачатку снежня курс долара падняўся амаль на 23 капейкі.

Курс еўра ірвануў уверх яшчэ мацней — адразу на 0,0819 BYN да 2,8119 BYN/EUR і з максімуму за 167 дзён (5,5 месяцаў) паляцеў на максімум за 237 дзён (амаль 8 месяцаў).

Ужо другі дзень запар на біржы была здзейснена ўсяго адна здзелка з еўра. Гэта гістарычны мінімум. Аб’ём таргоў застаўся на ўчарашнім узроўні — усяго 30 тысяч еўра. Гэта вельмі мала, але не гістарычны мінімум, таму што на мінулым тыдні ў сераду было яшчэ менш — 28 тысяч еўра.

Калі на біржы аб’ём таргоў вельмі маленькі, курс можа скакаць вельмі моцна ў абодва бакі. Між іншым, дробныя гульцы маюць магчымасць на яго істотна ўплываць, але Нацбанк з пачатку мінулага тыдня памяняў механізм вызначэння афіцыйнага курсу еўра.

Курс расійскага рубля абваліўся на 0,0744 BYN да 3,8590 BYN/100 RUB і аказаўся на мінімуме за 222 дні (больш за 7 месяцаў).

Другі тыдзень запар беларускі рубель з паскарэннем таннее да ўсіх валют акрамя расійскага рубля.

Сяргей КУРКАЧ

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.