Сёння ў сталіцы на базе Нацыянальнага цэнтра мастацкай творчасці дзяцей і моладзі праходзіць фінал пятага сезона рэспубліканскай інтэлектуальна-забаўляльнай гульні «Піянерскі/акцябрацкі/маладзёжны квіз». Яго ідэйны натхняльнік — Грамадскае аб’яднанне «Беларуская рэспубліканская піянерская арганізацыя».
У гульні прымаюць удзел каманды-пераможцы раённых і абласных тураў праекту. Усяго — 21 каманда, у склад якой уваходзяць 42 піянера, 42 акцябраты, 42 актывісты БРСМ.
Тэматыка квіза ахоплівае галіны культуры, літаратуры і гісторыі Рэспублікі Беларусь. Варта адзначыць, што асаблівая ўвага надаецца гісторыі развіцця піянерскага і маладзёжнага рухаў у нашай краіне. У ўдзельнікаў будзе шанец прадэманстраваць інтэлект, эрудыцыю і кемлівасць, бо для таго, каб адказаць на пытанні трэба мець не толькі тэарэтычныя веды, але і добра развітую логіку.
Прэс-служба ГА «Беларуская рэспубліканская піянерская арганізацыя» паведаміла, што пераможцы квіза будуць узнагароджаны дыпломамі і прызамі Беларускай рэспубліканскай піянерскай арганізацыі і Беларускага рэспубліканскага саюза моладзі, а таксама экскурсійна-адукацыйнай праграмай у Цэнтр акіянаграфіі «Адкрыты акіян» і наведваннем музея «Беларуская хатка».
Нагадаем, што першы сезон інтэлектуальна-забаўляльнай гульні — «Піянерскі квіз» стартаваў у 2018 годзе. Сёлета ў ім удзельнічала 3811 каманд (22416 чалавек).
А ў нашым фотарэпартажы вы можаце паглядзець, як з выпрабаваннямі квіза спраўляліся акцябраты.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
