Беларусь надае важнае значэнне ўзаемадзеянню з Шанхайскай арганізацыяй супрацоўніцтва і разглядае дадзенае аб’яднанне ў якасці важнага гульца ў сістэме міжнародных адносін. Пра гэта міністр замежных спраў Сяргей Алейнік заявіў на сустрэчы ў Мінску з генеральным сакратаром ШАС Чжан Мінам, паведамляе БелТА.
«Шчыра рады вітаць вас на гасціннай беларускай зямлі. Мы вельмі чакалі ваш візіт, надаём вельмі важнае значэнне супрацоўніцтву з Шанхайскай арганізацыяй супрацоўніцтва. Разглядаем яе як важнага гульца ў сістэме міжнародных адносін, які за апошнія гады сапраўды набыў сур’ёзную і палітычную, і эканамічную вагу», — сказаў міністр.
Ён асабліва адзначыў, што насельніцтва краін-членаў ШАС складае 3,5 млрд чалавек, і гэта прыкладна палова ад сусветнага.
«Шчыра рады вас вітаць. І разлічваем на вельмі канструктыўны і плённы дыялог. Дыялог, звязаны з працэсам уступлення нашай краіны ў ШАС, з развіццём многіх напрамкаў супрацоўніцтва з арганізацыяй. У некаторых мы ўжо ўдзельнічаем. Але наша сяброўства дазволіць нам сапраўды выкарыстоўваць у поўным аб’ёме створаны ў ШАС патэнцыял», — заявіў Сяргей Алейнік.
У сваю чаргу Чжан Мін выказаў удзячнасць за запрашэнне прыехаць у Беларусь. Гэта яго першы візіт у краіну. «Гэты візіт вельмі доўгачаканы для мяне», — падкрэсліў генеральны сакратар ШАС.
Фота: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
