Вы тут

У Ваеннай акадэміі адбыўся выпуск афіцэраў факультэта Генеральнага штаба


Дыпломы «магістраў» і нагрудныя знакі аб заканчэнні факультэта атрымалі больш за 150 афіцэраў. Па выніках навучання нагрудным знакам «За выдатнае заканчэнне ваеннай навучальнай установы» ўзнагароджаны 9 афіцэраў.


Сярод выпускнікоў — спецыялісты Узброеных Сіл, Міністэрства ўнутраных спраў, Дзяржаўнага пагранічнага камітэта. Гэта сведчыць аб сістэмным узаемадзеянні ўсіх элементаў ваеннай арганізацыі дзяржавы ў інтарэсах забеспячэння нацыянальнай бяспекі. У бліжэйшы час афіцэры папоўняць калектывы органаў ваеннага кіравання, воінскіх часцей і прыменяць атрыманыя веды на практыцы.

Як адзначыў падчас выпуску афіцэраў міністр абароны генерал-лейтэнант Віктар ХРЭНІН, выпускнік Ваеннай акадэміі — гэта заўсёды чалавек з глыбокім дзяржаўным мысленнем і патрыёт сваёй краіны. Кіраўнік абароннага ведамства заўважыў, што традыцыйна гэты выпуск праходзіць напярэдадні галоўнага свята беларускай дзяржаўнасці — Дня Незалежнасці. «Падзеі апошняга часу паказваюць, што незалежнасць краіны даецца няпростай цаной, — канстатаваў міністр. — Свет, на жаль, не становіцца больш бяспечным. І гэта патрабуе ад нас рабіць усё магчымае для ўмацавання абароназдольнасці Беларусі».

Звяртаючыся да выпускнікоў, Віктар Хрэнін удакладніў, што менавіта ім трэба будзе пастаянна асвойваць усё новае і перадавое, каб інтэнсіўна нарошчваць магутнасць Узброеных Сіл, вырашаць складаныя і адказныя задачы павышэння ўзроўню баявой і мабілізацыйнай гатоўнасці. «Выпускнікі факультэта Генеральнага штаба — гэта людзі, якія першапачаткова выбралі сваім лёсам служэнне Айчыне, — падкрэсліў ён. — Гэта афіцэры, якія ўласным прафесіяналізмам, бездакорнай службай атрымалі права кіраваць вялікімі масамі людзей, тэхнікі і сродкаў. Гэта сапраўдныя ваенныя прафесіяналы. І самае галоўнае: выпускнік Ваеннай акадэміі — гэта заўсёды чалавек з глыбокім дзяржаўным мысленнем і патрыёт сваёй краіны».

Вераніка КАНЮТА

Фота Віктара ІВАНЧЫКАВА

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».