Урачыстая цырымонія ўшаноўвання пераможцаў другога сезона рэспубліканскага «Конкурсу маладзёжных ініцыятыў» з уручэннем грантаў на рэалізацыю адбылася сёння ў Мінску ў Рэспубліканскім доме моладзі.
Першы сакратар ЦК БРСМ Аляксандр Лук’янаў адзначыў, што сёння тут сабраліся тыя маладыя людзі, якія не толькі гавораць, але і робяць:
— Яны змаглі разгледзець магчымасць, якая насамрэч для нашай краіны з’яўляецца ўнікальнай. Дзякуючы асабістай падтрымцы кіраўніцтва нашай краіны, Савета Рэспублікі, Міністэрства адукацыі ў БРСМ таксама з’явіўся такі важны шанц стаць яшчэ дадатковым механізмам падтрымкі маладзёжных ініцыятыў.
Таксама ён дадаў, што ў гэтым сезоне Цэнтральны камітэт вызначае яшчэ шэраг праектаў, якія асабіста будзе падтрымліваць з уласных сродкаў.
Усяго сёлета на ўдзел у конкурс паступіла 219 заявак абсалютна рознай накіраванасці ад развіцця творчасці да фарміравання здаровага ладу. У рэспубліканскі фінал увайшло 48 праектаў. А вось пераможцамі сталі толькі 20 з іх, якія і былі прэзентаваны на мерапрыемстве. Асабліва ўразіла ініцыятыва ад моладзевага крыла БСЖ «Наркасбыт. Спыніцца своечасова». Яго ідэя ў тым, каб дапамагчы маладым дзяўчатам, якія трапілі ў складаную жыццёвую сітуацыю і памылкова звязалі сваё жыццё з наркотыкамі. Умоўна работа праекта будзе дзяліцца на тры асноўныя этапы: асветніцкая работа са здаровым насельніцтвам, падтрымка асуджаных у калоніях і дапамога ў рэсацыялізацыі пасля адбывання пакарання.
Таксама вострасацыяльным з’яўляецца праект «Пошукава-выратавальны атрад «Фенікс», які дапамагае шукаць людзей зніклых без вестак ужо з 2019 года.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.