Вы тут

Беларускія палігоны заўсёды гатовыя да выканання задач любой складанасці


Беларускія палігоны заўсёды гатовыя да выканання задач любой складанасці. Пра гэта заявіў у эфіры тэлеканала СТБ камандзір 50-й змяшанай авіяцыйнай базы Уладзімір Скоркін, паведамляе БелТА.


Фота: БелТА

Уладзімір Скоркін адзначыў, што ў рабоце Узброеных Сіл Беларусі з пачаткам СВА адбыліся пэўныя змяненні. «Выконваем палёты, адточваем элементы — пераадоленне ППА праціўніка, работа на палігоне, — адзначыў ён. — Праводзяцца пастаянна трэніроўкі, перагледжана размеркаванне сіл і сродкаў у плане аховы, абароны. Асабовы склад адносіцца да гэтага з разуменнем, ніякіх праблем не ўзнікае. Ва ўмовах спецаперацыі Беларусь — смачны кавалак, тым больш у сумежных заходніх дзяржавах ідзе нарошчванне ўзбраення. Нашы палігоны ў любы момант гатовы да выканання задач па прызначэнні, якія б яны ні былі па складанасці. Асобная ўвага кадравым пытанням, бо ў лётнага складу павінна быць выдатнае здароўе».

Авіяцыйная база развіваецца і ўдасканальваецца, і для гэтага робіцца многае. «Для нашай авіяцыйнай базы адным са значных дасягненняў стала тое, што мы прынялі Ту-134, — дадаў Уладзімір Скоркін. — Тэхніку асвоілі, лётны склад цалкам прайшоў навучанне, падрыхтавалі сваіх інструктараў. Самалёт паўнацэнна ўведзены ў строй і ўжо выконвае рэйсавыя палёты. Тое ж датычыцца Мі-35 — тэхніка, якая запатрабавала вялікага працэсу ў плане перавучвання, падрыхтоўкі лётнага і інжынерна-тэхнічнага складу. Усё здзейснілася, і гэта для нас самае значнае дасягненне. Аднак гэта толькі пачатак. Да канца бягучага года таксама чакаем згодна з планам 4 машыны, і ў наступным годзе яшчэ столькі ж, гэта значыць цалкам будзе эскадрылля Мі-35».

Уладзімір Скоркін падкрэсліў, што ў беларускай авіяцыі працуюць сапраўды зацікаўленыя людзі. «Усе лётчыкі рамантыкі, бо авіяцыя для нас — гэта любоў, — адзначыў ён. — Мы не можам без яе. Калі нехта палятаў ужо, зведаў гэта пачуццё, і яно яго захапіла, ад гэтага ўжо нельга адысці. Водпуск, не палятаеш месяц — ужо нечага не хапае: хочацца хутчэй на паветранае судна, каб падняцца ў паветра, усё ўспомніць, аднавіць навыкі. Работа складаная, але цікавая. Усім рэкамендую, усім жадаю — адназначна спадабаецца. І па традыцыі калі нехта бачыць пралятаючае судна, памахайце нам — нам зверху сапраўды ўсё відаць. І нам будзе прыемна, і ў вас будзе магчымасць паглядзець у неба».

Выбар рэдакцыі

Спорт

Сяргей Блоцкі: Наша задача — навучыць спартсмена думаць

Сяргей Блоцкі: Наша задача — навучыць спартсмена думаць

Як у Мазыры асвойваюць навуку перамагаць.

Эканоміка

Якія задачы стаяць перад машынабудаўнікамі сёлета?

Якія задачы стаяць перад машынабудаўнікамі сёлета?

Змяняецца вектар у знешнім гандлі.