Селядзец у гарчычным соусе: селядзец слабасалёны — 1 шт., цыбуля рэпчатая — 1 шт., жаўток вараны — 1 шт., алей — 2 ст. л., воцат 9% — 1 ч. л., гарчыца нявострая (гатовая) — 2 ч. л., цукар — 1/4 ч. л., зялёная цыбуля і кроп — для падачы.
Селядзец ачысціць ад унутранасцяў, зняць скуру, выдаліць хрыбет і ўсе косткі.
Нарэзаць філе невялікімі кавалачкамі.
Рэпчатую цыбулю нашаткаваць тонкай саломкай. Каб гарката сышла, заліць цыбулю кіпенем на некалькі секунд і хутка астудзіць. Кавалачкі селядца перасыпаць цыбуляй.
Прыгатаваць гарчычны соус. Вараны яечны жаўток расцерці з 2 чайнымі лыжкамі гатовай гарчыцы і 1 чайнай лыжкай сталовага воцату. Калі знікнуць камячкі, уліць 2 сталовыя лыжкі алею. Дадаць крыху цукру. Соус павінен атрымацца густы і па кансістэнцыі, як эмульсія.
Заліць рыбу гарчычнай запраўкай, змяшаць, накрыць і даць настаяцца ў халадзільніку на працягу 3-4 гадзін.
Спатрэбіцца: бульба — 1 кг, салёны агурок —1 шт., яйка варанае — 2 шт., зялёная цыбуля — 8 сцёблаў, пятрушка — 2 галінкі, аліўкавы алей — 6 ст. л., маянэз (па жаданні) — 2 ст. л., соль і перац — на смак.
Адварыце бульбу ў лупіне, абярыце і нарэжце колцамі. Пакуль бульбачка яшчэ цёплая, папярчыце яе, пасаліце і паліце аліўкавым алеем. Зварыце яйкі ўкрутую, парэжце іх і дадайце ў бульбу разам з надзёртым на тарцы салёным агурком і дробна нарэзанымі зялёнай цыбуляй і пятрушкай. Змяшайце салату і пры жаданні дазапраўце маянэзам.
Спатрэбіцца: цыбуля — 3 буйныя; часнок — 1 зубчык; яйкі — 2 шт; манныя крупы — 6 ст. л; соль, папрыка, кінза, перац, іншыя спецыі па 1 ч. л; таматны сок — 200 мл.
Цыбулю рэжам тонкімі кубікамі і змешваем з надзёртым часнаком. Колькасць апошняга бярыце на свой смак. Усыпаем манныя крупы і змешваем масу.
Узбіваем яйкі з соллю, перцам, спецыямі, зелянінай. Выліваем яечную масу ў цыбулю, змешваем, накрываем і пакідаем на 20 хвілін, перыядычна памешваючы.
Выкладваем у патэльню па сталовай лыжцы масы і смажым катлеткі. Далей рабіце на свой смак: можна заліць катлеты ў патэльні таматным сокам і накрыць, тушыць на невялікім агні 7 хвілін.
Калі так вам не даспадобы, тады выкладваем у патэльню кавалачак масла, здробнены часнок. Накрываем і тушым 2 хвіліны.
Падаюць цыбульныя катлеткі з бульбяным пюрэ, кавалачкамі запечанай у духоўцы бульбы, мяса, рыбы, салодкага перцу і г. д.
Спатрэбіцца: гарбуз — 1 кг; апельсін — 2 шт; цукар — 800 г; лімонная кіслата — 0,5 ч. л. ці лімон — на смак.
Гарбуз разразаем на часткі, выдаляем насенне і здымаем скурку. Адмяраем 1 кг ачышчанага гарбуза і наразаем невялікімі кубікамі.
Цяпер бяром глыбокую патэльню і выкладваем нарэзаны гарбуз, які затым зверху засыпаем цукрам. Далей дадаём да цукру і гарбуза сок двух апельсінаў, добра ўсё змешваем. Пасля таго, як з’явіцца сок, павялічваем агонь да сярэдняга і, перыядычна памешваючы, варым, пакуль гарбуз не пачне станавіцца празрыстым і злёгку жэліравацца. Гэта зойме прыкладна 20–30 хвілін.
Калі гарбуз будзе гатовы, узбіваем яго блэндарам да аднастайнасці і дадаём лімонную кіслату або сок лімона на смак. Добра ўсё змешваем і варым яшчэ 5-10 хвілін. Калі джэм будзе дастаткова густы, раскладваем яго па падрыхтаваных слоічках, закрываем.
Акрамя таго, у гарбузовы джэм можна дадаць вострыя прыправы, напрыклад, карыцу і гваздзіку, арэхі ці садавіну, асабліва цытрусавыя. Кожны раз будзеце атрымліваць новы смак! Калі вырашыце прыгатаваць гарбузовы джэм з прыправамі, то дадаваць іх трэба не ў пачатку гатавання, а ўжо пасля ўзбівання гарбуза блэндарам, разам з лімоннай кіслатой.
Разбіраемся, якія спецыя да якіх страў прыдатныя
Для мяса: чырвоны, чорны, духмяны перац або гваздзіка, маяран, чабор, кмен, куркума, цыбуля, арэгана.
Для птушкі: чабор, маяран, размарын, шалфей, базілік.
Для рыбы: лаўровы ліст, белы перац, імбір, духмяны перац, цыбуля, каляндра, перац чылі, гарчыца, кроп, чабор.
Для грыля: чырвоны перац, духмяны перац, кардамон, чабор, маяран, мускатны арэх, кмен, імбір, перац чылі.
Для дзічыны: чабор, мацярдушка звычайная, духмяны перац, чырвоны перац, ядловец.
Для рагу: чырвоны перац, імбір, куркума, каляндра, гарчыца, кардамон, кмен, чорны перац, духмяны перац, мускатны арэх, гваздзіка.
Для капусты: каляндра, фенхель, кумін, насенне чорнай гарчыцы.
Для бульбы: каляндра, куркума і асафетыда.
Для бабовых: кумін, імбір, перац, мята і каляндра.
Для марынадаў: лаўровы ліст, ядловец (ягады дадаюць у марынады для мяса дзічыны і рыбы), галінкі кропу з бутонамі, кветкамі ці насеннем.
Для садавіны, сокаў, узвараў: карыца, гваздзіка, імбір, бадзьян, кардамон.
Для паштэтаў: белы перац, карыца, імбір, лаўровы ліст, гваздзіка, карыца, бадзьян, імбір, кардамон.
Для выпечкі: гваздзік, карыца, бадзьян, імбір, кардамон, духмяны перац, апельсінавая цэдра, аніс, кунжут, мак, ваніль.
Для гарачага малака: карыца, кардамон, шафран.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
