Вы тут

У аграгарадку Камунар Буда-Кашалёўскага раёна адкрылася сярэдняя школа


Установа адукацыі, дзе праведзена маштабная рэканструкцыя, прымае вучняў. Адначасова ў школе цяпер змогуць размясціцца 460 чалавек. 


Жыхары аграгарадка Камунар сёння не могуць не адзначыць дапамогу і падтрымку кіраўніцтва вобласці і раёна ў развіцці сацыяльна значнай інфраструктуры іх роднага населенага пункта. За апошнія гады тут абноўлены мясцовы Палац культуры, цяпер завершана будаўніцтва новага крыла сярэдняй школы. Так, на пачатку мінулага года ў Камунары зрушылася з месца хвалюючае пытанне — пашырэнне плошчы сельскай ўстановы адукацыі. Стары аварыйны школьны будынак, ўзведзены яшчэ ў 1956 годзе, быў закрыты для эксплуатацыі ў 2010 годзе. Заняткі праходзілі ў адным корпусе. Але аграгарадок апошнім часам актыўна развіваецца, з году ў год павялічваецца колькасць дзяцей школьнага ўзросту. 

З просьбай дапамагчы з мадэрнізацыяй навучальнай установы ў Камунары мясцовыя педагогі звярнуліся да старшыні Гомельскага аблвыканкама Івана Крупко. Ужо на пачатку мінулага года ў рамках інвестпраграмы Гомельскай вобласці ў аграгарадку быў знесены стары аварыйны школьны будынак, і пачата ўзвядзенне новага корпуса. Цяпер новая славутасць сельскага населенага пункта — двухпавярховы будынак з пераходнай галерэяй.

— Я вельмі добра памятаю той званок да мяне на прамую лінію ў красавіку 2022 года ад намесніка дырэктара ўстановы Вольгі Пятроўны Кашлачовай, якая прасіла ўключыць у план рэканструкцыі школу і, абавязкова, са спартыўнай залай. Як яна расказала тады, настаўнікі рыхтуюць тут моцных спецыялістаў для працы на вёсцы і, каб развівацца далей, адкрыць дадатковыя аграрныя і педагагічныя класы, проста неабходны новы будынак, — узгадаў падчас урачыстай цырымоніі адкрыцця школы Іван Крупко. — Адкрыццём будынка школы мы ўступаем у Год якасці. Якасць вашай вучобы — гэта выдатныя веды і добрыя справы на карысць Радзімы, — падкрэсліў кіраўнік рэгіёна. 

У новым корпусе школы размясціліся спартыўная і актавая залы, школьныя майстэрні, кабінеты фізікі, інфарматыкі, біялогіі, харчаблок, аддзяленне для дзяцей пачатковых класаў са спальнымі, гульнявымі памяшканнямі. Галоўны ўваход у школу абсталяваны неабходнымі элементамі безбар’ернага асяроддзя.

Старшыня аблвыканкама Іван Крупко перадаў сертыфікат на набыццё абсталявання для школьнага харчаблока. Ад старшыні Буда-Кашалёўскага райвыканкама Анатоля Гапоніка — у падарунак установе адукацыі перададзены сертыфікат на набыццё камп’ютарнай тэхнікі. 

— Паспрабуем да новага навучальнага года зрабіць і для школы, і для жыхароў населенага пункта ў цэлым добры стадыён са штучным пакрыццём, з пляцоўкамі для міні-футбола, баскетбола, валейбола, — адзначыў Іван Крупко.

Для шаноўных гасцей правялі экскурсію па школе. Губернатар і кіраўніцтва раёна паназіралі, як праходзяць заняткі ў новых класах, як абсталяваны школьныя майстэрні, арганізавана работа харчблока. У новенькай спартыўнай зале можна было цаніць, наколькі папулярны сярод мясцовых школьнікаў заняткі фізічнай культурай. 

Падчас наведвання класаў вучні змаглі і пагутарыць з губернатарам. Прагучалі словы віншавання з наваселлем, падзякі, а таксама асабіста ад кіраўніка рэгіёна карысныя парады старэйшым школьнікам аб выбары даоешага жыццёвага шляху. 

— Вызначайцеся з выбарам прафесіі. А мы дапаможам вам і мэтавымі накірвання, і далейшым працаўладкаваннем не толькі ў Буда-Кашалёўскім раёне, але ў цэлым па вобласці, — звярнуўся да школьнікаў старшыня аблвыканкама. — Прыслухайцеся, да чаго ляжыць ваша душа, усё ўзважце добра. І не таіцеся. Мы гатовы вам дапамагчы. Паглядзіце, колькі навучальных устаноў ёсць у Гомельскай вобласці — атрымаць можна любую спецыяльнасць, — заклікаў юнакоў і дзяўчат Іван Крупко. 

Кіраўнік рэгіёну, дарэчы, адразу даў даручэнне на ўзроўні Буда-Кашалёўскага раёна і на ўзроўні Галоўнага ўпраўлення адукацыі аблвыканкма індывідуальна з кожным адзінаццацікласнікам мясцовай школы прапрацаваць пытанне прафарыентацыі. 

Наталля КАПРЫЛЕНКА

Фота ТК «Гомельшчына афіцыйна»

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.