Вы тут

У Мінску праходзіць II рэспубліканскі злёт студэнцкіх медыцынскіх атрадаў


Удзельнікамі маладзёжнага праекта сталі каля 200 будучых лекараў і медсясцёр з Беларусі і Расіі, якіх аб’яднаў II Рэспубліканскі злёт студэнцкіх медыцынскіх атрадаў.


Ён прысвечаны некалькім знакавым датам: 80-годдзю вызвалення Беларусі ад нямецка-фашысцкіх захопнікаў і 105-годдзю сістэмы аховы здароўя Беларусі. У злёце прынімалі ўдзел кіраўніцтва Міністэрства аховы здароўя, Міністэрства адукацыі Беларусі, ЦК БРСМ і байцы студатрадаў. Пачаўся ён з панэльнай дыскусіі «Студэнцкія медыцынскія атрады: траекторыя развіцця прафесіянала», дзе кожны ахвотнік мог задаць пытанні якія яго цікавяць.

— Мы бачым, што медыцынскі профіль студатрадаў актыўна развіваецца. Студэнцкія атрады растуць не толькі ў колькасці, але і ў якасці. Мы разумеем, што праца ў складзе студатрада — гэта павышэнне сваіх прафесіянальных навыкаў, магчымасць мяккага ўваходжання ў будучую прафесію. Геаграфія другога злёту шырокая: прыехалі прадстаўнікі практычна ўсіх беларускіх медыцынскіх універсітэтаў і коледжаў, а таксама іх калегі з пяці рэгіёнаў Расіі. Дарэчы, некаторыя з іх у Беларусі не ўпершыню. Яны ўдзельнічалі летась у рэспубліканскім працоўным праекце «Медыкус», які праходзіў ва ўстановах аховы здароўя Полацка і Наваполацка, — расказаў другі сакратар Цэнтральнага камітэта БРСМ Аляксандр Прохараў. 

— Мы ўжо другі год працуем разам з такімі праектамі ў медыцынскай сферы. У Мінску нас сустрэлі вельмі цёпла і ветліва. З некаторымі дзецьмі мы ўжо знаёмы, дзякуючы супольным праектам, якіх, дарэчы, мы сёлета плануем нямала. У нас з беларускай моладдзю агульная цэннасць — праца, падзялілася сваімі ўражаннямі кіраўнік медыцынскага кірунку «Расійскіх студэнцкіх атрадаў» Крысціна Сідарава.


Кацярына УРБАН 

Фота аўтара

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.