Вы тут

Цэнтрвыбаркам зарэгістраваў 56 кандыдатаў у члены Савета Рэспублікі восьмага склікання


У адпаведнасці з каляндарным планам арганізацыйных мерапрыемстваў па падрыхтоўцы і правядзенні выбараў членаў Савета Рэспублікі, у перыяд з 12 па 21 сакавіка адбыліся сумесныя пасяджэнні прэзідыумаў мясцовых Саветаў дэпутатаў базавага ўзроўню, Мінскага гарадскога Савета дэпутатаў і адпаведных выканаўчых камітэтаў, на якіх вылучана па 8 кандыдатаў у члены Савета Рэспублікі ад кожнай вобласці і горада Мінска. Рашэнні сумесных пасяджэнняў вышэйназваных органаў аб вылучэнні кандыдатаў у члены верхняй палаты парламента разгледзелі ў Цэнтральнай выбарчай камісіі.


Як адзначыў старшыня Цэнтрвыбаркама Ігар Карпенка, адзіны дзень галасавання, які прайшоў у нашай краіне 25 лютага, завяршыў першы этап электаральнага цыкла па фарміраванні дзяржаўных органаў Рэспублікі Беларусь, які пачаўся ў лістападзе мінулага года. «Пасля выбрання дэпутацкага корпуса прадстаўнічыя, выканаўчыя і распарадчыя органы, суб’екты грамадзянскай супольнасці ўцягнуты ў працэс вылучэння і выбрання кандыдатаў у члены Савета Рэспублікі Нацыянальнага сходу Рэспублікі Беларусь восьмага склікання і дэлегатаў Усебеларускага народнага сходу», — канкрэтызаваў ён.

Усе 56 зарэгістраваных кандыдатаў у члены Савета Рэспублікі восьмага склікання адпавядаюць патрабаванням заканадаўства, якія прад’яўляюцца да кандыдатаў у сенатары. Усе маюць вышэйшую адукацыю, займаюць кіруючыя пасады. 30% кандыдатаў з’яўляюцца членамі партый: 16 чалавек — Беларускай партыі «Белая Русь», адзін — Камуністычнай партыі Беларусі. У Савет Рэспублікі вылучаны 15 членаў Савета Рэспублікі сёмага склікання, сярод кандыдатаў — кіраўнікі чатырох абласных, аднаго раённага Саветаў дэпутатаў. Пяць вылучаных асоб — прадстаўнікі органаў выканаўчай улады. Шэсць кандыдатаў узначальваюць установы аховы здароўя, пяць прадстаўляюць сістэму адукацыі.

У адпаведнасці з заканадаўствам, выбары членаў Савета Рэспублікі Нацыянальнага сходу Рэспублікі Беларусь восьмага склікання прызначаны на 4 красавіка 2024 года. Цэнтральная выбарчая камісія будзе ўстанаўліваць вынікі выбараў і склікаць першую сесію Савета Рэспублікі восьмага склікання. 

У размове з журналістамі Ігар Карпенка адзначыў, што паралельна ідзе працэс вылучэння кандыдатаў у дэлегаты Усебеларускага народнага сходу. «Гэты працэс завершыцца 31 сакавіка, з 1 па 10 красавіка будуць праходзіць выбары дэлегатаў Усебеларускага народнага сходу, — паведаміў ён. — Той вялікі выбарчы цыкл, які мы запусцілі з адзінага дня галасавання, завершыцца адкрыццём Усебеларускага народнага сходу».

Старшыня ЦВК звярнуў увагу на тое, што фарміраванне Усебеларускага народнага сходу ідзе дастаткова галосна. «Прынцып фарміравання УНС вызначаны заканадаўствам, Канстытуцыяй, — нагадаў ён. — Адна трэць дэлегатаў — гэта тыя людзі, якія ўваходзяць па пасадзе, у тым ліку выбраныя дэпутаты Палаты прадстаўнікоў і члены Савета Рэспублікі восьмага склікання. Акрамя таго, ад мясцовых саветаў дэпутатаў будуць выбраны дэлегаты УНС у адпаведнасці з квотай, якую ЦВК размеркаваў для абласцей. Пры гэтым трэба разумець, што ўсе 60 дэпутатаў Мінскага гарадскога Савета дэпутатаў будуць аўтаматычна з’яўляцца дэлегатамі Усебеларускага народнага сходу. У адпаведнасці з квотамі, якія таксама мы размеркавалі, ад пяці суб’ектаў грамадзянскай супольнасці будзе абрана па 80 прадстаўнікоў, якія будуць прадстаўляць такі сур’ёзны зрэз грамадскасці ў складзе УНС. Такім чынам лімітавая колькасць УНС — да 1200 чалавек». 

Вераніка КАНЮТА

Фота БелТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.