Як паведамілі ў прэс-службе Брэсцкай мытні, спынена спроба перамясціць праз мяжу боепрыпасы да агнястрэльнай зброі.
58-гадовы брастаўчанін разам са сваякамі вяртаўся на легкавым аўтамабілі дадому з Украіны праз пункт мытнага афармлення «Олтуш». Пры наглядзе машыны службовыя асобы заўважылі каробкі з боепрыпасамі, а дакладней 55 патронаў. Спецыялісты абласнога ўпраўлення дзяржаўнага камітэта судовых экспертыз далі заключэнне аб прыгоднасці гэтых патронаў для стральбы. Яны з'яўляюцца боепрыпасамі да пісталета Макарава, аўтаматычнага пісталета Сцечкіна, а таксама падыходзяць да іншых узораў ручной агнястрэльнай зброі.
Брастаўчанін затрыманы. Заведзена крымінальная справа.
Святлана ЯСКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
