Учора падчас ХХІ Міжнароднай выстаўкі «СМІ ў Беларусі» былі падведзены вынікі нацыянальнага конкурсу сродкаў масавай інфармацыі «Залатая ліцера» за 2016 год. У намінацыі «Найлепшыя матэрыялы маладзёжнай, дзіцяча-юнацкай тэматыкі» галоўную ўзнагароду атрымаў маладзёжны дадатак газеты «Звязда» — «Чырвонка. Чырвоная змена».
Галоўны яе дэвіз — маладыя пішуць для маладых і пра маладых. Гэта азначае, што практычна ўсе аўтары — або штатныя маладыя спецыялісты-журналісты, або студэнты, або школьнікі. Па сутнасці, маладзёжны дадатак з'яўляецца творчай пляцоўкай для самавыяўлення моладзі.
«Звязда» таксама стала лаўрэатам прэміі ў намінацыях «Найлепшыя матэрыялы грамадска-палітычнай тэматыкі», дадатак «Союз-Евразия» атрымаў дыплом лаўрэата ў намінацыі «Найлепшыя матэрыялы эканамічнай тэматыкі». А ўласны карэспандэнт «Звязды» па Магілёўскай вобласці Нэлі Зігуля стала лаўрэатам у намінацыі «Найлепшы рэпарцёр».
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
