У кіраўнікоў устаноў адукацыі з'явілася магчымасць павышэння аплаты працы педагогаў за кошт пазабюджэтных сродкаў.
Урадам прынята пастанова ад 14 ліпеня №530 «Аб некаторых пытаннях аплаты працы педагагічных работнікаў за кошт пазабюджэтных сродкаў ад дзейнасці, якая прыносіць даходы».
У адпаведнасці з дакументам установа адукацыі пры рэалізацыі праграм дадатковай адукацыі на платнай аснове мае права павялічваць педагогам, якія ўдзельнічаюць у прадастаўленні гэтых паслуг, тарыфную стаўку першага разраду за кошт атрыманых пазабюджэтных сродкаў, але не больш чым у два разы. Памер тарыфнай стаўкі ўстанова адукацыі павінна ўзгадніць з дзяржорганам, у падпарадкаванні якога яна знаходзіцца. Крыніцай для выплаты заработнай платы ў гэтым выпадку з'яўляюцца толькі заробленыя пазабюджэтныя сродкі.
Пералік праграм дадатковай адукацыі дзяцей і моладзі і праграм дадатковай адукацыі дарослых вызначаны Кодэксам аб адукацыі Рэспублікі Беларусь.
Надзея НІКАЛАЕВА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.