Аператыўнікі па барацьбе з эканамічнымі злачынствамі ГУУС Мінгарвыканкама і Кастрычніцкага РУУС сталіцы ўстанавілі факт крадзяжу прадуктаў на гандлёвым прадпрыемстве, якое забяспечвае харчаванне ў некаторых бальніцах горада, а таксама ў анкалагічным цэнтры ў Бараўлянах.
Па інфармацыі ГУУС Мінгарвыканкама, 40-гадовая намеснік загадчыка нарыхтоўчага аб'екта гэтага прадпрыемства злоўжывала службовымі паўнамоцтвамі на працягу некалькіх гадоў. Яна выносіла прадукты харчавання: мяса, яйкі, малако, алей і іншае.
Наўмысна парушаючы тэхналогію прыгатавання, работніца змяншала порцыі для пацыентаў бальніц, а лішкі забірала сабе. І такім чынам забяспечвала прадуктамі не толькі сваю сям'ю, але і, як прызналася затрыманая, некаторую іх частку прадавала сваім знаёмым. У сярэднім за месяц яна крала харчавання на суму ад 100 да 150 рублёў.
Устаноўлена, што са жніўня 2016 года па ліпень 2017-га яна ўкрала прадуктаў на суму каля трох тысяч рублёў. За крадзяжы шляхам злоўжывання службовымі паўнамоцтвамі заведзена крымінальная справа.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.