Чакаецца цёплае надвор'е, калі ў першай палове тыдня дажджоў будзе няшмат, і яны будуць насіць лакальны характар. А ў другой палове тэрыторыя краіны апынецца пад уплывам франтальных падзелаў, і дажджоў будзе больш, а тэмпературны фон да канца працоўнага тыдня крыху панізіцца, перадае Белгідрамет.
У ноч на сераду таксама чакаецца пераважна без ападкаў. А вось удзень у асобных раёнах пройдуць кароткачасовыя навальнічныя дажджы. Тэмпература паветра ўначы будзе ад плюс 10 да плюс 17 градусаў, днём паветра прагрэецца да 24—29 цяпла. Надвор'е пачне змяняцца 12 ліпеня. Менавіта ў чацвер пад уплывам атмасфернага фронту, які змяшчаецца з паўднёвага захаду Еўропы, уначы ў асобных раёнах, раніцай і днём на большай частцы тэрыторыі краіны пройдуць кароткачасовыя дажджы, месцамі прагрымяць навальніцы. Тэмпература паветра ўначы складзе ад плюс 12 да плюс 18 градусаў, удзень — 23—30 цяпла.
Паводле папярэдніх прагнозаў сіноптыкаў, у пятніцу атмасферны фронт пачне рухацца на паўночны ўсход, абумовіць на большай частцы тэрыторыі краіны дажджы, у асобных раёнах чакаюцца навальніцы і моцныя дажджы. Уначы будзе нават занадта цёпла — ад плюс 13 да плюс 19 градусаў, максімальная тэмпература ўдзень у асноўным у межах 19—26 градусаў, па паўднёвым усходзе месцамі паветра прагрэецца да плюс 28 градусаў.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
