Для генеральнага дырэктара ААТ «Трэст «Шахтаспецбуд» Дзяніса Дзіуліна тыя кароткія гадзіны, якія ён можа выкраіць для сям'і, — сапраўднае свята.
Часцей жа Дзяніса Аляксандравіча можна сустрэць на аб'ектах ААТ «Беларуськалій»: ці глыбока пад зямлёй на ўскрыцці новых гарызонтаў Старобінскага радовішча калійных соляў, ці на ўзвядзенні Петрыкаўскага ГУКа. А яшчэ на перагаворах з замежнымі партнёрамі аб удзеле трэста ў асваенні залежаў карысных выкапняў — без перабольшання, па ўсім свеце.
Вось і атрымліваецца, што «трэба дома бываць часцей», як пісаў паэт. Тым больш што з домам звязваюць моцныя карані, мацней не бывае.
На здымку: Дзяніс Дзіулін з дзеткамі Верай і Ільёй на Алеі славы раёна каля партрэта свайго дзеда — Аляксандра Іосіфавіча Дзіуліна, таксама калійшчыка, ветэрана вайны. Ды не проста ветэрана, а кавалера ордэна баявой салдацкай Славы ўсіх трох ступеняў, што афіцыйна прыраўноўваецца да звання Героя Савецкага Саюза.
Уладзімір ХІЛЬКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
