Сёлета на гарадскі конкурс фатаграфій на экалагічную тэматыку «Зялёны Мінск» было прадстаўлена каля 500 работ — як ад прафесійных фатографаў, так і ад фотааматараў рознага ўзросту. Усе яны прысвечаны сталіцы: яе самым прыгожым зялёным куткам, любові мінчан да гарадской прыроды, найбольш актуальным экалагічным праблемам Мінска і іншае.
На ўрачыстай цырымоніі ўзнагароджання старшыня Мінскага гарадскога камітэту прыродных рэсурсаў і аховы навакольнага асяроддзя Сцяпан Дубніцкі выказаў падзяку ўсім, хто прыняў удзел у конкурсе:
— Дзякуючы вашым адносінам да пытанняў аховы навакольнага асяроддзя, захавання прыродных рэсурсаў людзі ў нашай краіне будуць больш беражліва ставіцца да прыроды і больш актыўна ўдзельнічаць у вырашэнні пытанняў аховы навакольнага асяроддзя.
Па выніках конкурсу журы размеркавала месцы наступным чынам:
Акрамя агульнай тэматыкі конкурсу, пераможцаў вызначылі і ў розных намінацыях. Так, у намінацыі «Мінск без адходаў» лепшай стала Паліна Хрол, «Мой зялёны горад» — Валерый Котаў, Ганна Бажаноўская, «Мінск і мы» — Наталля Пуцята, Аляксандр Рабцэвіч; «Зберажом Мінск разам» — Ірына Бірына-Паўлава, Кацярына Зябко; «Экалогія Мінска вачамі жыхароў» — Павел Лычкоўскі, Таццяна Цімакова; «Экапрыколы» — Аляксандр Раковіч; «Экалогія горада і царква» — Таццяна Русецкая; «Лепшая макрафатаграфія» — Айвар Удрыс.
Работы пераможцаў да 31 снежня 2019 года можна ўбачыць у бібліятэцы БДТУ. А далей лепшыя фотаздымкі на працягу наступнага года будуць размяшчацца на розных сталічных выставах (інфармацыю пра іх можна даведацца на сайце Камітэту). Фотаздымкі са сталічнымі краявідамі ўпрыгожылі таксама эколага-інфармацыйны каляндар на 2020 год, які традыцыйна выпускае Мінскі гарадскі камітэт.
Гарадскі конкурс фатаграфій на экалагічную тэматыку «Зялёны Мінск» праводзіўся з 15 сакавіка па 15 лістапада 2019 года Мінскім гарадскім камітэтам прыродных рэсурсаў і аховы навакольнага асяроддзя пры падтрымцы размеркаванай галерэі «Фотамастацтва» і бібліятэкі Беларускага дзяржаўнага тэхналагічнага ўніверсітэту. Сёлета ён прымеркаваны да правядзення ў Беларусі Года малой радзімы.
Свае ўзнагароды атрымалі і пераможцы гарадскіх этапаў іншых рэспубліканскіх экаконкурсаў.
У гарадскім этапе рэспубліканскага конкурсу на лепшую публікацыю на экалагічную тэматыку ў катэгорыі «Навучэнцы» пераможцамі сталі: Альжбэта Малішэўская-Спрынчан (1 месца), Любоў Урсу (2 месца), Дар’я Ракіцкая (3 месца). У катэгорыі «Аматары» былі ўзнагароджаны: Ірына Бірына-Паўлава (1 месца), Леанід Чумакоў (2 месца), Станіслаў Холеў (3 месца). У катэгорыі «Прафесіяналы» перамаглі: Алена Парукава (1 месца), Вераніка Коласава (2 месца), Вера Ганкіна-Буцько (3 месца).
Пераможцамі гарадскога ўзроўня рэспубліканскага конкурсу на лепшага грамадскага эколага сталі: Руслан Шайкін (дыплом 1 ступені), Яўген Казлоў (дыплом 2 ступені), Ірына Бірына-Паўлава (дыплом 3 ступені).
Настасся АЛЯКСЕЕВА
Фота з архіва ўдзельнікаў конкурсу
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
