Юбілейную, ХХХ Мінскую міжнародную кніжную выставу-кірмаш, якая праходзіла 22-26 сакавіка пад слоганам «Свет кнігі без межаў», наведалі больш за 50 тыс.чалавек. Пра гэта паведаміў выканаўчы дырэктар кніжнай выставы-кірмашу Дзмітрый Макараў падчас цырымоніі закрыцця, перадае БелТА.
«Я з задавальненнем магу рэзюмаваць нашу сумесную дзейнасць на працягу гэтых некалькіх дзён, працу выдаўцоў, пісьменнікаў, людзей, якія чытаюць кнігу, — сказаў намеснік міністра інфармацыі Ігар Бузоўскі. — Наша юбілейная, ХХХ Мінская міжнародная кніжная выстава-кірмаш завяршае сваю працу, і прыемна адзначыць, што яна адбылася менавіта так, як мы і задумвалі. У няпросты кавідны і геапалітычны час мы сабралі 20 краін».
Па словах Ігара Бузоўскага, вялікае прадстаўніцтва на выставе было ад краіны-ганаровага госця — Расійскай Федэрацыі. «Яна годна прадставіла свае выдавецтвы і кнігі, якія з’яўляюцца гонарам і нашай выставы, і Расіі», — адзначыў ён.
Намеснік міністра інфармацыі падкрэсліў, што мноства пазітыўных водгукаў атрымана і па выніках правядзення анлайн-прэзентацый. «Я спадзяюся, што пісьменнікі, людзі, якія на гэтай сцэне працавалі для наведвальнікаў, будуць задаволены працай, арганізаванай на працягу гэтых дзён», — сказаў ён.
Характэрна, што прафесіяналы выдавецкай і паліграфічнай сфер на выставе дамовіліся аб новых узаемаадносінах на наступны перыяд. Некаторыя дамоўленасці атрымалі практычнае прымяненне ўжо ў дні выставы, дадаў Ігар Бузоўскі.
Ён пажадаў удзельнікам сумеснай плённай працы на карысць Беларусі і краін — удзельніц Мінскай міжнароднай кніжнай выставы-кірмашу. «Я ўпэўнены, што наступны год будзе для нас напоўнены новымі ідэямі, новымі думкамі. Выстава — гэта пляцоўка міру і прыязнасці. Мы будзем шукаць любыя камунікацыі, якія дазволяць нам рабіць новыя кніжныя праекты на карысць міру і стварэння», — сказаў на заканчэнне намеснік міністра інфармацыі.
Падчас цырымоніі закрыцця ўдзельнікаў выставы ўзнагародзілі ганаровымі граматамі.
Прэв’ю: БелТА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
