У перадапошнія выхадныя мая ўмовы надвор'я ў нашай краіне будзе вызначаць перыферыя скандынаўскага антыцыклону, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Між іншым, у гэтую пятніцу будзе дастаткова дажджліва. Раніцай воблачна, днём з праясненнямі. Ноччу і раніцай месцамі, а па паўднёвым захадзе ў многіх раёнах пройдуць дажджы. Удзень у асобных раёнах кароткачасовыя дажджы. Вецер паўночны, паўночна-ўсходні 3—8 м/с. Тэмпература паветра ўначы складзе плюс 6—12 градусаў, удзень чакаецца 14—20 градусаў. Па паўднёвым усходзе ноччу тэмпература паветра дасягне 13—15 градусаў, днём — 21—23 цяпла. Атмасферны ціск істотна не зменіцца.
Субота абяцае быць не самай сонечнай. У гэтыя суткі чакаецца ноччу пераменная, а днём невялікая воблачнасць. Пераважна без ападкаў. Вецер паўночна-ўсходні, усходні ўмераны. Тэмпература паветра мінімальная ўначы будзе ад плюс 3 градусаў па паўночным усходзе да 11 цяпла па поўдні краіны, максімальная днём плюс 19—24 градусаў.
Таксама адносна змрочна будзе і ў нядзелю. У гэты дзень 21 мая ноччу невялікая, а днём пераменная воблачнасць. Пераважна без ападкаў. Вецер паўночна-ўсходні, усходні ўмераны. Тэмпература паветра мінімальная ноччу будзе ад 3 да 8 цяпла, месцамі — да плюс 11 градусаў, а максімальная тэмпература ўдзень нават трошкі спадзе — плюс 18—24 градусаў.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
