У краіне з 29 жніўня будуць павялічаны на 10 працэнтаў гранічныя максімальныя адпускныя цэны па асобных гатунках хлеба і хлебабулачных вырабаў.
Гэта прадугледжана пастановай Міністэрства эканомікі
№ 59 ад 23 жніўня, якая ўжо афіцыйна апублікавана на Нацыянальным прававым інтэрнэт-партале. Дакументам, прынятым з улікам прапаноў Мінсельгасхарча, устаноўлены гранічныя максімальныя адпускныя цэны на хлеб іржаны, іржана-пшанічны, булачныя вырабы з пшанічнай мукі з колькасцю, згодна з рэцэптурай, цукру і тлушчаў у суме не вышэй за 14 працэнтаў.
Гаворка ідзе пра рэгуляванне цэн вытворцаў на тыя віды хлеба і булачных вырабаў, якія традыцыйна называюцца сацыяльнымі. Яны выпякаюцца па простай рэцэптуры без дадатковай сыравіны і адносяцца да ніжняй цэнавой групы. Пастановай на іх устанаўліваюцца цэны ад 2 833 да 5 457 рублёў за кілаграм.
Сяргей РАСОЛЬКА.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?