Вы тут

У Смаленску можа з'явіцца цэнтр прыгранічнага супрацоўніцтва Беларусі і Расіі


Дзяржаўны сакратар Саюзнай дзяржавы Рыгор Рапота ў суботу, на заключным пасяджэнні аргкамітэта па падрыхтоўцы і правядзення святкавання 1150-годдзя Смаленска, адзначыў выключную ролю горада на Дняпры ва ўзаемадзеянні дзвюх краін.

«Ключ» ад Саюза

Рыгор Рапота выступіў з ініцыятывай стварыць у горадзе рэгіянальны цэнтр прыгранічнага супрацоўніцтва. «Смаленск — ключавы горад на стыку інтарэсаў Беларусі і Расіі, — падкрэсліў дзяржсакратар. — Значнасць горада відавочная. Я не буду казаць пра гістарычныя і геаграфічныя аспекты. Вялікае значэнне мае эканамічнае супрацоўніцтва. І значэнне Смаленска для эканомікі дзвюх краін расце. Па-першае, тут праходзіць лепшая магістраль, якая яднае Мінск і Маскву. А гэта найлепшыя транспартна-лагістычныя магчымасці. Дастаткова сказаць, што праз Смаленск ідзе каля 30% усіх аўтамабільных грузаў у Расійскую Федэрацыю. Менавіта гэты фактар трэба ў будучыні развіваць і ўдасканальваць».

Дарэчы, Рыгор Рапота раней ужо выступаў з прапановай зрабіць у Смаленску цэнтр прыгранічнага супрацоўніцтва дзвюх краін. «Я і надалей буду на гэтым настойваць, — кажа палітык. — Калі стваралася Саюзная дзяржава, Смаленск разглядаўся як месца для штаб-кватэры выканаўчых органаў Саюза, але ўлады Расіі і Беларусі распарадзіліся па-іншаму. Аднак значнасць Смаленска для двухбаковых кантактаў ніколькі не зменшылася».

Горад у выгадным становішчы

Эканамічнае ўзаемадзеянне паміж Беларуссю і Смаленскай вобласцю праяўляецца, напрыклад, у тым, што тут працуе вялікая колькасць беларускіх будаўнікоў і іншых спецыялістаў. Губернатар вобласці Аляксей Астроўскі гэта пацвярджае: «Значную частку нагрузкі па рэканструкцыі і рамонце фасадаў горада ўзялі на сябе менавіта беларускія будаўнікі. Мы ўдзячныя Беларусі за гэту дапамогу».

Акрамя таго, «рыхтуецца да адкрыцця расійска-беларускі найбуйнейшы мясакамбінат «Сафонава». Гэта таксама паказчык паспяховага развіцця двухбаковых адносін менавіта тут, на смаленскай тэрыторыі», — лічыць Рыгор Рапота. У тым жа рэчышчы разважае Дзмітрый Казак, намеснік старшыні ўрада Расійскай Федэрацыі: «Смаленск знаходзіцца ў вельмі выгадным геаграфічным становішчы, на перакрыжаванні многіх шляхоў, што дазваляе развіваць тут практычна любыя вытворчасці. Эканамічны патэнцыял вялікі. Тут жывуць выдатныя, працавітыя людзі. Перспектыву мае і прамысловасць, і сельская гаспадарка, бо ў рэгіёне вельмі спрыяльны для гэтага клімат. Будзе мець поспех развіццё транспартнай лагістыкі». Таму віцэ-прэм'ер прапанаваў губернатару Смаленскай вобласці распрацаваць і ўнесці на разгляд урада прапанову аб стварэнні цэнтра прыгранічнага супрацоўніцтва.

Функцыі змяніліся

Ужо падчас выступу перад гараджанамі Рыгор Рапота сказаў, што «для тых, хто жыве ў Расіі і Беларусі, ды і на ўсёй постсавецкай прасторы, Смаленск заўсёды асацыяваўся з паняццем «горад-крэпасць». А значыць — з мужнасцю, бесперапыннай вайной. Так і было ў далёкай і не вельмі далёкай гісторыі. Сёння ўсё змянілася. І функцыі Смаленска таксама змяняюцца. Для Саюзнай дзяржавы Беларусі і Расіі асноўнай задачай з'яўляецца стварэнне такіх умоў, каб расіяне ў Беларусі і беларусы ў Расіі не адчувалі сябе замежнікамі. Памежны горад для вырашэння гэтай задачы мае вялікае значэнне. Развіццё Смаленска ва ўсіх сферах — адзін з фактараў умацоўвання нашых адносін».

Уладзіслаў КУЛЕЦКІ, г. Смаленск

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.