1857 год — нарадзіўся Іван Іванавіч Далгоў, беларускі гісторык, археолаг, краязнаўца. У 1880 годзе скончыў Пецярбургскі ўніверсітэт. З 1889-га працаваў у Полацкім кадэцкім корпусе. Вывучаў гісторыю Полацка з самых старажытных часоў, даследаваў археалагічныя помнікі Полаччыны і склаў іх рэестр. Напісаў гісторыю кадэцкага корпуса і стаў адным з арганізатараў музея ў ім. Быў абраны сапраўдным членам Віцебскай навуковай архіўнай камісіі, у 1893-м быў удзельнікам ІХ археалагічнага з'езда. Памёр у 1911 годзе.
1934 год — у Ленінградзе, у кінатэатры «Тытан» адбылася прэм'ера кінафільма «Чапаеў». Ён стаў культавым для некалькіх пакаленняў савецкіх людзей. Фільм па сваім сцэнарыі паставілі кінарэжысёры «браты Васільевы». Толькі ніякія яны не браты: гэта — творчы псеўданім. Яны проста цёзкі — Георгій Мікалаевіч і Сяргей Дзмітрыевіч. Раман Фурманава «Чапаеў» яны ўзялі толькі за аснову, напісаўшы практычна новы твор. Дастаткова сказаць, што пра ардынарца Чапаева ў рамане было напісана ўсяго два-тры сказы — кшталту «Пецька ўвайшоў, Пецька выйшаў», а кулямётчыцы Анкі і наогул няма. Герой фільма, вядома, міфалагізаваны, мала агульнага меў ён з рэальным Чапаевым. Але менавіта за гэта фільм і любімы народам. Ён і цяпер не-не ды мільгане на экране тэлевізара. А ці шмат створана ў свеце фільмаў, здольных прыцягнуць гледача праз восем дзясяткаў гадоў?
1958 год — 55 гадоў таму на Беларускім аўтазаводзе (БелАЗ у г. Жодзіна) сабраны першы аўтасамазвал.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.