У сувязі з адкрыццём сезона палявання на самцоў цецерука і глушца Дзяржаўная інспекцыя аховы жывёльнага і расліннага свету пры Прэзідэнце Рэспублікі Беларусь нагадвае, што за незаконную здабычу цецерука давядзецца пакрываць нанесеную прыродзе шкоду ў памеры 10 базавых велічынь, за глушца — 70 базавых велічынь, што аўтаматычна цягне за сабой крымінальную адказнасць.
— Каштоўнасць глушца абумоўлена яго нешматлікасцю ў прыродзе Беларусі (менш за 10 тысяч асобін), у той час як цецярук з'яўляецца больш распаўсюджанай птушкай сямейства цецеруковых. Паляванне на глушца цікавае яшчэ і з-за біялагічных асаблівасцяў гэтай птушкі: наблізіцца да яе можна, толькі падгадаўшы момант, калі, такуючы глушэц, па-асабліваму «шчоўкае» і «глухне» на некалькі секунд, — паведаміла прэс-сакратар Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Вольга Грамовіч.
Працягваецца і сезон палявання на вадаплаўную дзічыну: гусь — белалобую і шэрую, гуменніка і канадскую казарку (акрамя некаторых паляўнічых угоддзяў — у асноўным па Брэсцкай і Віцебскай абласцях, дзе да 1 студзеня 2015 года, згодна з пастановай Мінпрыроды, дзейнічае забарона на гэты від палявання). Дзяржінспекцыя звяртае ўвагу паляўнічых на тое, што пры паляванні на птушыных трэба захоўваць правілы бяспекі: не страляць па птушцы, якая ўзлятае ніжэй чым 2,5 метра ва ўмовах абмежаванай бачнасці, на шум, шорах, па няясна бачнай цэлі, у тумане, прыцемках, супраць сонца і пры іншых неспрыяльных умовах.
Сяргей РАСОЛЬКА.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.