Вы тут

Ручаёк і дуб


Той дзень выдаўся дужа спякотным. Прахалоды не было нават у цяньку. Хіба што пад дубам?

Да яго на лясную паляну любілі прыходзіць дзікі, каб паласавацца леташнімі жалудамі, прыбягалі казулі — на вадапой.

Тут жа, на паляне, уцякаючы ад лісы, апынуўся неяк і шэры зайка. Ад страху ён не адразу і пачуў, што побач звініць ручаёк. Але ж потым нахіліўся да яго, каб напіцца, каб наталіць сваю смагу...

Толькі дзе там! «Ты мне ніхто, не сябар, — зафыркаў ручаёк, — не чапай мяне, не пі вады!»

Пырскі сталі пералівацца ў сонечных промнях — утвараць вясёлку, але яна нікога не весяліла...

Вось і надумаліся лясныя жыхары правучыць фанабэрысты ручаёк: не сябраваць з ім, не размаўляць.

Той толькі пасмяяўся. Сказаў: «А куды вы падзенецеся?» Ён нават хацеў давесці гэта рамонку, які рос паблізу. Але той адвярнуў ад яго сваю прыгожую галоўку...

Так мінуў цэлы тыдзень!..

Засумаваў ручаёк. Яго халодная вада не бруіла больш па каменьчыках, не спявала песень...

Магутны дуб, бачачы гэта, многае мог бы сказаць. Але ён быў мудры і хацеў, каб ручаёк сам зразумеў сваю памылку.

Галіна НІЧЫПАРОВІЧ,

в. Магільна, Уздзенскі раён

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.