Вы тут

«Абое» ці «абодва»?


Сёлетнія выпрабаванні сталі пятнаццатымі па ліку. Па традыцыі яны прайшлі на базе МДУ імя Куляшова. Праверыць свае веды па беларускай мове і літаратуры, а таксама па гісторыі Беларусі, прыродазнаўстве і матэматыцы выключна на роднай мове пажадалі 38 навучэнцаў школ, ліцэяў і каледжаў. Упершыню за гісторыю правядзення гэтых спаборніцтваў пераможцам, акрамя дыпломаў і прызоў, уручаліся медалі.


Залатога ўдастоіўся дзевяцікласнік СШ №21 Магілёва Ілья Касакоў (на здымку). Ён набраў 160 балаў з магчымых 300. Перамогу яму прынеслі добрыя веды па мове і літаратуры, за што Ілья ўдзячны сваёй настаўніцы Юліі Бузук. На карысць пайшоў і асабісты інтарэс да гісторыі роднага краю. Другое месца ў навучэнкі выпускнога класа бабруйскай гімназіі № 3 Ангеліны Жыркевіч — пераможцы трох папярэдніх спаборніцтваў. Ангеліна перасягнула рэкорд сваёй сястры Настассі — двойчы пераможцы. Дзякуючы маці Алене Юр'еўне, якая выкладае ў гімназіі матэматыку, дзяўчаты неаднойчы станавіліся лепшымі ў абласных алімпіядах па гэтым прадмеце. Добрыя веды пры рашэнні матэматычных задач паказала і вучаніца 11-га класа бабруйскай гімназіі №1 Ангеліна Бялясава. Асобная падзяка за гэта яе настаўніцы Ірыне Барысевіч. Матэматычныя веды забяспечылі Ангеліне 3-е месца ў пяцібор'і.

— Улічваючы, што на падрыхтоўку адводзілася ўсяго 100 хвілін, а пытанні былі дастаткова складаныя, удзельнікі паказалі высокі ўзровень, — задаволены поспехамі старшыня аргкамітэта Беларускага пяціборства Міхась Булавацкі. — Наколькі сур'ёзна навучэнцы ставяцца да гэтых іспытаў, можна меркаваць па тым, з якой прагнасцю яны вывучалі аркушы з правільнымі адказамі, атрыманыя пасля спаборніцтваў. Бывае, што нават для некаторых дасведчаных людзей часам цяжка патлумачыць розніцу паміж словамі «абодва» і «абое». Толькі 4 нашы ўдзельнікі далі правільны адказ на гэта пытанне. Некалькі гадоў таму мы прапаноўвалі патлумачыць прычыну змены дня і ночы, а таксама лета і зімы. На гэты раз мы зноў уключылі такое пытанне. У выніку аказалася, што 11 чалавек з 38 не ведалі, чаму ноч змяняе дзень, а прычыну змены лета і зімы патлумачылі толькі 4. Гэта многае гаворыць пра ўзровень адукацыі нашых школьнікаў...

zigulya@zviazda.by

Фота Надзеі БАЦІЛАВАЙ

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.