Падчас міжнароднага інвестыцыйнага форума Ertys Invest 2016, які прайшоў у Паўладары (Казахстан), падпісаны кантракты на $12 млн.
Прэс-сакратар Гомельскага аблвыканкама Вольга Рабікава расказала, што размова ідзе не толькі пра пастаўкі мясной і малочнай прадукцыі ($10 млн), але і мэблі прадпрыемства «Гомельдрэў» ($2 млн).
У Казахстане працуюць тры дылерскія цэнтры, дзе прадаюць беларускую сельскагаспадарчую тэхніку. Цяпер праведзены перамовы пра пашырэнне зборачнай вытворчасці на сумесным прадпрыемстве ў горадзе Кастанай. Абмяркоўваліся таксама пытанні супрацоўніцтва з гомельскімі прадпрыемствамі ў будаўніцтве жылля і дарог. Падпісаны дамовы аб супрацоўніцтве паміж адміністрацыямі свабодных эканамічных зон «Гомель-Ратон» і «Паўладар», іншыя важныя дакументы.
Афіцыйную дэлегацыю Гомельскай вобласці ўзначальваў старшыня Гомельскага аблвыканкама Уладзімір Дворнік. На пленарным пасяджэнні ён выказаў надзею, што перамовы з удзельнікамі маштабнага з'езду дзелавых людзей стануць чарговым крокам на шляху ўзаемавыгаднага партнёрства, дазволяць вывесці гандлёва-эканамічныя, сацыяльна-культурныя сувязі Гомельшчыны і Казахстана на якасна новы ўзровень.
Ірына АСТАШКЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
