Спікер ніжняй палаты беларускага парламента Уладзімір Андрэйчанка выслухаў грамадзян у Докшыцах.
Старшыні Палаты прадстаўнікоў Нацыянальнага сходу падзякавалі за ўдзел у станоўчым вырашэнні пытання прыватызацыі жылля ў інтэрнаце. Тутэйшыя жыхары разлічваюць і на аказанне дапамогі ў забеспячэнні жылога будынка цэнтралізаванай падачай вады. Ёсць надзея на падтрымку ў крэдытаванні будаўніцтва індывідуальнага жылля. Спікер узяў «на заметку» і пытанне магчымай дапамогі ў рамонце і аснашчэнні абсталяваннем Полацкага міжраённага анкалагічнага дыспансера.
Каментуючы прадстаўнікам СМІ вынікі прыёму, Уладзімір Андрэйчанка падкрэсліў, што людзі чакаюць канкрэтных адказаў на пытанні, якія іх хвалююць. І дзяржаўным служачым неабходна выконваць абяцанні, калі яны дадзены. Калі ж з-за недахопу фінансаў або праз іншыя нюансы немагчыма вырашыць праблему, нельга гуляць у папулізм.
Спікер парламента адзначыў, што самі грамадзяне павінны браць удзел у вырашэнні камунальных і іншых праблем. Дзяржава, калі ёсць для гэтага законныя падставы і магчымасці, дапаможа, але і жыхары абавязаны ўносіць сваю лепту ў канструктыўнае супрацоўніцтва з уладай.
Аляксандр ПУКШАНСКІ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».