У Музеі гісторыі прыватнага калекцыянавання працуе выстава «Долары краін свету канца XІX — XXІ стагоддзя».
Аказваецца, ёсць спецыяльныя долары, якія ў Кітаі «дораць» нябожчыкам. Калі такі сувенір падарыць жывому, крыўда будзе на ўсё жыццё. А ў ЗША праз два гады пасля смерці прэзідэнта традыцыйна вырабляюць памятныя манеты з выявай яго профілю. І тое, што існуе купюра вартасцю 1 мільён долараў, зусім не байка. Такія ёсць у калекцыі членаў клуба мільянераў. Дарэчы, як і 100-тысячная банкнота. Спецыяльныя долары вырабляюцца нават для тых, хто хоча падтрымаць даследаванні ў Антарктыдзе...
Віцебскі калекцыянер Леанід Ялаў пачаў калекцыянаваць долары яшчэ ў савецкія гады. Тады, нагадаю, іх нельга было легальна вывезці за мяжу, прывезці, прадаць. Знаёмы прывёз з замежнай камандзіроўкі. 1-доларавая банкнота стала пачаткам калекцыі. На выставе можна ўбачыць больш за 250 экспанатаў. Прадстаўлены долары ЗША, Канады, краін Паўднёвай Амерыкі, Азіі, Аўстраліі і Акіяніі. Усюды ў гэтай валюты свой індывідуальны і арыгінальны дызайн. У наш час долар выкарыстоўваюць у 26 краінах.
Аляксандр ПУКШАНСКІ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
