Каля возера Літоўка пад Навагрудкам прайшоў рэгіянальны фестываль-конкурс бардаўскай песні «Музыка сэрцаў», які пяты раз сабраў прыхільнікаў творчасці савецкага паэта, акцёра і аўтара-выканаўцы ўласных песень Уладзіміра Высоцкага.
Як адзначылі ў аддзеле культуры Навагрудскага райвыканкама, удзел у конкурсе сёлета ўзяло больш за 20 аўтараў і выканаўцаў з розных рэгіёнаў. Таксама падчас фестывалю працавалі кніжная ілюстратыўная выстава «Чалавек, паэт, акцёр» і фотавыстава «Навагрудак у 60-я».
А яшчэ проста на беразе возера на вялізным экране адбыўся начны кінасеанс фільма «Сыны ідуць у бой» Віктара Турава. Паводле мастацкай легенды, Уладзімір Высоцкі, які ў 1969 годзе падчас здымак у фільме жыў у Навагрудку разам з жонкай Марынай Уладзі, за адну толькі ноч напісаў некалькі песень для карціны, а пазней пад уражаннем ад гісторыі і прыгажосці тутэйшага краю стварыў большасць песень са свайго ваеннага цыкла.
Вікторыя ЗАХАРАВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.