Вы тут

Кінафестываль «Лістапад» абвясціў фільм адкрыцця


Юбілейны 25-ы «Лістапад», цырымонія адкрыцця якога адбудзецца 2 лістапада ў кінатэатры «Масква», стартуе з карціны польскага рэжысёра Паўла Паўлікоўскі «Халодная вайна». Чорна-белая, з незвычайным квадратным фарматам і прыватнай гісторыяй на фоне гістарычных пераломаў меладрама ўжо прынесла яе аўтару ўзнагароду Канскага кінафестывалю як найлепшаму рэжысёру і вылучэнне на «Оскар» ад Польшчы.


Беларускі глядач памятае папярэднюю карціну польскага рэжысёра — оскараносную «Іду», якая ў 2013 годзе атрымала «золата» і «серабро» «Лістапада», гэта значыць дзве галоўныя яго ўзнагароды.

«Халодная вайна» — гэта lоvе-stоrу інтэлігентнага дырыжора фальклорнага ансамбля Віктара і неадукаванай артысткі ансамбля Зулы — гэтак жа, дарэчы, звалі бацькоў Паўла Паўлікоўскі, якім прысвечаны фільм. На фоне пасляваеннай камуністычнай Польшчы, у Варшаве, Берліне, Югаславіі, Парыжы, з усімі супярэчнасцямі часу, якія ўмешваюцца ў жыццё герояў, з джазам і фальклорнымі матывамі Віктар і Зула дзесяцігоддзямі то знаходзяць адно аднаго, то губляюць.

«Адкрыць 25-ы «Лістапад» карцінай «Халодная вайна» — для нас сімвалічны жэст, бо таксама, як наш фестываль, фільм Паўла Паўлікоўскі кажа аб галоўнай праблеме, уласцівай камуністычнаму лагеру, а цяпер ужо посткамуністычнай прасторы, — супрацьстаянню Усходу і Захаду. Фільм сапраўды адлюстроўвае існаванне двух светаў і дзвюх сістэм, але па сутнасці «Халодная вайна» — не палітычнае кіно. Карціна кажа пра тое, як гэтыя граніцы хочацца сцерці, як хочацца жыць і любіць, як неабходна адчуваць свабоду. Яна падымаецца над ідэалогіяй, палітыкай, соцыумам, што перашкаджаюць людзям быць шчаслівымі», — гаворыць праграмны дырэктар «Лістапада» Ігар Сукманаў.

У карціне можна пачуць як дэкадэнцкі для нашых 1950-х джаз, так і «Кантату пра Сталіна». Убачыць як жорсткую сістэму — «жалезную заслону», абвінавачанне ў здрадзе, лагер, так і рамантычную гісторыю кахання. Як счытаць знакі часу і гістарычны кантэкст, так і спазнаць універсальную гісторыю.

Заснавальнікамі «Лістапада» выступаюць Міністэрства культуры і Мінскі гарадскі выканаўчы камітэт. Арганізатарам — Цэнтр візуальных і выканальніцкіх мастацтваў «АРТ Карпарэйшн».

Ірэна КАЦЯЛОВІЧ

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.