Вы тут

​У Нацыянальнай бібліятэцы ў фае сустракае зубр са старой друкарскай тэхнікі


У  Нацыянальнай бібліятэцы «прапісаўся» незвычайны насельнік — чытачоў і экскурсантаў у фае сустракае друкарскі, ён жа кніжны, зубр.


«Кніжны ён, па-першае, таму, што сабраны з дэталяў старой друкарскай тэхнікі. Па-другое, ён мае імя Алеф — па назве першай літары старажытных алфавітаў, якая паходзіць ад егіпецкага іерогліфа — галавы быка. Якраз алеф надалей стаў правобразам першай літары лацінскага, грэчаскага, кірылічнага і іншых алфавітаў, якімі мы карыстаемся сёння, — расказвае намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Алесь СУША, які выступіў ініцыятарам экспанавання для шырокай публікі. — Поўсць зубра складзеная з сапраўдных шрыфтоў, якія выкарыстоўваліся ў мінулым стагоддзі беларускімі друкарнямі, там часта сустракаюцца нашы адметныя літары «ў» і «і», а ў самым сэрцы зубра працуе механізм, які створаны па вобразе сігнета Францыска Скарыны (гэта знакамітая выява сонца і паўмесяца, што стала нефармальным сімвалам беларускай кніжнасці). З асабістых уражанняў мушу адзначыць, што зубрам няпроста жывецца сёння не толькі ў прыродзе, але і ў бібліятэках. Кніжны зубр павінен адпавядаць як эстэтычным крытэрыям, так і патрабаванням бяспекі: усё ж важыць жывёліна паўтоны, мае магутныя рогі і яшчэ недастаткова вывучаны нораў. Таму пасля праходжання ўсіх узгадненняў я вельмі шчаслівы, што зубру знайшлося годнае месца і ён стаў жыхаром Бібліятэчнай пушчы».

Майстар, які вырабіў скульптуру ў стылі стымпанк, — дызайнер Генадзь Катлінскі — працаваў над «постаццю» даўжынёй каля 2,5 метра і вышынёй больш чым 1,5 метра некалькі месяцаў. Прэзентаваны арт-аб'ект быў гэтай восенню ў межах праекта вядомага калекцыянера Уладзіміра Ліхадзедава «У пошуках страчанага». Друкарскі зубр выклікаў фурор на Дні беларускага пісьменства ў Слоніме, а таксама на міжнароднай кніжнай выстаўцы ў Маскве, дзе стаў цэнтрам нацыянальнага кніжнага стэнда.

Экспазіцыя, зазначаюць кніжнікі, пакуль што часовая. Аднак калі знойдзецца спонсар, які пажадае набыць скульптуру для Нацыянальнай бібліятэкі і ўсіх яе наведвальнікаў, то Алеф пераселіцца бліжэй да Скарыны ўжо назаўжды.

Вікторыя ЗАХАРАВА

Загаловак у газеце: Месца для зубра

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.